Jeksenbi, 25 qazan kúni elordada qoǵamdyq kólikter qatynamaidy, dep habarlaidy "Ult aqparat".
CTS kompaniiasynyń málimetinshe, ol kúni avtobýstar men avtoparkterde dezinfektsiialyq jumystar júrgiziledi. Basqa kúnderi qoǵamdyq kólik qalypty rejimde jumys isteidi.
Dúisenbi, 26 qazanda avtobýstar qaitadan qatynaidy.
«Qala turǵyndaryn sanitarlyq normalardy saqtaýǵa shaqyramyz. Avtobýstarǵa betperdesiz kirýge tyiym salynady. Jol aqysy tek qolma-qol aqshasyz tólenedi», - delingen kompaniianyń baspasóz qyzmeti taratqan aqparatta.
Aita keteiik, Nur-Sultan qalasynyń bas memlekettik sanitar dárigeri J. Pirálievanyń 16 qazandaǵy jańa qaýlysyna sáikes, elordada shekteý jáne karantin sharalary qatańdatyldy.
Onyń ishinde qalalyq qoǵamdyq kóliktiń jumys kestesi jumys kúnderi jáne senbide saǵat 6:00-den 23:00-ge deiin bekitildi.
Bul rette, qarbalas saǵattarda avtobýstar sany ulǵaitylady, sońǵy aialdamada dezinfektsiialaý quraldarymen óńdeledi, kirip-shyǵý úshin barlyq esikter ashylatyn bolady, jolaýshylarǵa qoljetimdi oryndarda sanitaizerler ornatylady. Jolaýshylar áleýmettik qashyqtyqty saqtaýy tiis. Jolaýshylar men júrgizýshilerge betperde kiiý - mindetti.
Je ksenbi kúnderi avtobýs jumysyna tyiym salynady.
