Elordada aldaǵy demalys kúnderi aýyl sharýashylyǵy ónimderiniń jármeńkesi ótedi, dep habarlaidy "Ult aqparat" qala ákimdigine silteme jasap.
Demalys kúngi jármeńkeler elorda turǵyndary arasynda úlken suranysqa ie. Sebebi munda birinshi qajettiliktegi azyq-túlikti naryqtan tómen baǵamen satyp alýǵa bolady.
17 sáýirden Esil aýdanynda Saýran kóshesi 7-úide demalys kúngi jármeńke bastalady.
15 mamyrdan bastap Saryarqa aýdanynda Qosshyǵululy kóshesi 14-úide osyndai jármeńke ótedi.
Aýyl sharýashylyǵy jármeńkeleri áleýmettik mańyzy bar azyq-túlik taýarlarynyń baǵasyn ustap turý, turǵyndar úshin azyq-túlik ónimine qoljetimdilikti qamtamasyz etý jáne básekelestik ortany qurý maqsatynda ótkiziledi.
Jármeńkege Aqmola, Qaraǵandy oblystarynyń elordaǵa jaqyn aýdandarynan shyqqan otandyq taýar óndirýshiler, sharýa jáne fermerlik qojalyqtar, sondai-aq, qalanyń jeke kásipkerleri qatysady.
Aldaǵy jármeńkege Aqmola oblysynan «Mákenova» JK, «Kýlkatovo» JK, Qaraǵandy oblysynan «Ashat» et sharýa qojalyǵy, Petropavldan «Panchenko» JK konditerlik ónimderi, «Roza» JK shujyq ónimderi ákelinedi.
