Politsiia qyzmetkerleri Nur-Sultanda ózine qol jumsamaq bolǵan adamdy qutqarý operatsiiasyn uiymdastyrdy, dep habarlaidy "Ult aqparat".
«Qala turǵyny «102» arnasyna habarlasyp, Jansúgirov kóshesindegi jylý qubyrlarynyń arkasynda er adamnyń otyrǵany jáne onyń sekirmek oiy bar ekendigin aitqan. Quramynda politsiia aǵa leitenanty Rýslan Abdyqalyqov jáne politsiia leitenanty Rolan Atabaev bar patrýldik politsiianyń ekipajy oqiǵa ornyna birinshi kelgen. Arkada mas kúiindegi er adamdy kóredi. Ol tómenge túsýden úzildi-kesildi bas tartyp, óz-ózine qol jumsaitynyn aitqan. Bir jarym saǵatqa sozylǵan qutqarý operatsiiasy barysynda er adamnyń súiiktisimen urys-keris bolǵany anyqtaldy. Osylaisha, ol jaqsy kóretin adamynyń nazaryn ózine aýdarǵysy kelgen», - delingen Politsiia departamenti málimetinde.
Oqiǵa ornynda politseilermen birge tótenshe jaǵdailar qyzmetkerleri jáne jedel járdem brigadasy jumys istedi. Er adam men qutqarýshylardy qulap ketýden saqtaý úshin úrlengen qutqarý jastyǵy arkanyń astyna tóselgen.
«Jigittiń týystarymen de telefon arqyly habarlasyp, olar arqyly tómenge túsýge kóndirgisi kelgen edi, biraq esh nátije bolmaǵan. Qyzmetkerler oǵan jylý jolynyń qubyry arqyly jaqyndap bardy. Sosyn inspektor Rýslan Abdyqalyqov ony ustap qalýǵa tyrysady, alaida ekeýi birdei qutqarý batýtyna birge qulaǵan. Sonymen qatar, adamdy qutqarýda politsiia qyzmetkerlerine Meditsinalyq-áleýmettik ońaltý ortalyǵynyń sanitary Jandos Saparov kómek kórsetken. Atalǵan ortalyqqa jatqyzylǵan 27 jastaǵy jigitke meditsinalyq jáne psihologiialyq kómek kórsetildi», - dep atalyp ótken habarlamada.
