پوليتسييا قىزمەتكەرلەرٸ نۇر-سۇلتاندا ٶزٸنە قول جۇمساماق بولعان ادامدى قۇتقارۋ وپەراتسيياسىن ۇيىمداستىردى, دەپ حابارلايدى "ۇلت اقپارات".
«قالا تۇرعىنى «102» ارناسىنا حابارلاسىپ, جانسٷگٸروۆ كٶشەسٸندەگٸ جىلۋ قۇبىرلارىنىڭ اركاسىندا ەر ادامنىڭ وتىرعانى جەنە ونىڭ سەكٸرمەك ويى بار ەكەندٸگٸن ايتقان. قۇرامىندا پوليتسييا اعا لەيتەنانتى رۋسلان ابدىقالىقوۆ جەنە پوليتسييا لەيتەنانتى رولان اتاباەۆ بار پاترۋلدٸك پوليتسييانىڭ ەكيپاجى وقيعا ورنىنا بٸرٸنشٸ كەلگەن. اركادا ماس كٷيٸندەگٸ ەر ادامدى كٶرەدٸ. ول تٶمەنگە تٷسۋدەن ٷزٸلدٸ-كەسٸلدٸ باس تارتىپ, ٶز-ٶزٸنە قول جۇمسايتىنىن ايتقان. بٸر جارىم ساعاتقا سوزىلعان قۇتقارۋ وپەراتسيياسى بارىسىندا ەر ادامنىڭ سٷيٸكتٸسٸمەن ۇرىس-كەرٸس بولعانى انىقتالدى. وسىلايشا, ول جاقسى كٶرەتٸن ادامىنىڭ نازارىن ٶزٸنە اۋدارعىسى كەلگەن», - دەلٸنگەن پوليتسييا دەپارتامەنتٸ مەلٸمەتٸندە.
وقيعا ورنىندا پوليتسەيلەرمەن بٸرگە تٶتەنشە جاعدايلار قىزمەتكەرلەرٸ جەنە جەدەل جەردەم بريگاداسى جۇمىس ٸستەدٸ. ەر ادام مەن قۇتقارۋشىلاردى قۇلاپ كەتۋدەن ساقتاۋ ٷشٸن ٷرلەنگەن قۇتقارۋ جاستىعى اركانىڭ استىنا تٶسەلگەن.
«جٸگٸتتٸڭ تۋىستارىمەن دە تەلەفون ارقىلى حابارلاسىپ, ولار ارقىلى تٶمەنگە تٷسۋگە كٶندٸرگٸسٸ كەلگەن ەدٸ, بٸراق ەش نەتيجە بولماعان. قىزمەتكەرلەر وعان جىلۋ جولىنىڭ قۇبىرى ارقىلى جاقىنداپ باردى. سوسىن ينسپەكتور رۋسلان ابدىقالىقوۆ ونى ۇستاپ قالۋعا تىرىسادى, الايدا ەكەۋٸ بٸردەي قۇتقارۋ باتۋتىنا بٸرگە قۇلاعان. سونىمەن قاتار, ادامدى قۇتقارۋدا پوليتسييا قىزمەتكەرلەرٸنە مەديتسينالىق-ەلەۋمەتتٸك وڭالتۋ ورتالىعىنىڭ سانيتارى جاندوس ساپاروۆ كٶمەك كٶرسەتكەن. اتالعان ورتالىققا جاتقىزىلعان 27 جاستاعى جٸگٸتكە مەديتسينالىق جەنە پسيحولوگييالىق كٶمەك كٶرسەتٸلدٸ», - دەپ اتالىپ ٶتكەن حابارلامادا.
