Nur-Sultan bilim basqarmasynyń basshysy Sholpan Qadyrova elordada mektepke deiingi bilim mekemeleriniń jumysy qashan jandanatynyn aityp berdi, dep habarlaidy "Ult aqparat".
«Bas sanitar dárig erdiń qaýlysymen mektepke deiingi bilim uiymdarynyń jumysyna shekteý qoiylǵan bolatyn. Bul rette kezekshi toptardyń jumys rejimi eldegi sanitarlyq-epidemiologiialyq ahýalǵa bailanysty bolady. Iaǵni, jumys rejimi Nur-Sultan qalasynyń bas sanitar dárigeriniń qaýlysymen aiqyndalady. Ata-analarǵa mektepke deiingi bilim mekemeleriniń jumysyndaǵy ózgerister týraly qosymsha habarlaimyz», - dedi Sholpan Qadyrova qala ákimdiginiń Facebook paraqshasynda ótken baspasóz máslihatynda.
Eske sala ketsek, buǵan deiin basqarma basshysy elordada jańa oqý jylynda 202 myń oqýshy qashyqtan oqitynyn habarlaǵan edi.
«2020-2021 oqý jylynda elorda boiynsha 202 myń mektep oqýshysy bolady dep kútilýde. (Ótken jyly - 182 279). Birinshi synypqa 27 myńnan astam oqýshyny qabyldaý josparlanyp otyr. Búginge deiin 12 453 ótinish berildi. Qujat qabyldaý elektrondy úkimet Egov.kz portaly arqyly jáne qaǵaz túrinde mektepterde júrgizilip jatyr», - dedi Sholpan Qadyrova.
