نۇر-سۇلتان بٸلٸم باسقارماسىنىڭ باسشىسى شولپان قادىروۆا ەلوردادا مەكتەپكە دەيٸنگٸ بٸلٸم مەكەمەلەرٸنٸڭ جۇمىسى قاشان جانداناتىنىن ايتىپ بەردٸ, دەپ حابارلايدى "ۇلت اقپارات".
«باس سانيتار دەرٸگ ەردٸڭ قاۋلىسىمەن مەكتەپكە دەيٸنگٸ بٸلٸم ۇيىمدارىنىڭ جۇمىسىنا شەكتەۋ قويىلعان بولاتىن. بۇل رەتتە كەزەكشٸ توپتاردىڭ جۇمىس رەجيمٸ ەلدەگٸ سانيتارلىق-ەپيدەميولوگييالىق احۋالعا بايلانىستى بولادى. ياعني, جۇمىس رەجيمٸ نۇر-سۇلتان قالاسىنىڭ باس سانيتار دەرٸگەرٸنٸڭ قاۋلىسىمەن ايقىندالادى. اتا-انالارعا مەكتەپكە دەيٸنگٸ بٸلٸم مەكەمەلەرٸنٸڭ جۇمىسىنداعى ٶزگەرٸستەر تۋرالى قوسىمشا حابارلايمىز», - دەدٸ شولپان قادىروۆا قالا ەكٸمدٸگٸنٸڭ Facebook پاراقشاسىندا ٶتكەن باسپاسٶز مەسليحاتىندا.
ەسكە سالا كەتسەك, بۇعان دەيٸن باسقارما باسشىسى ەلوردادا جاڭا وقۋ جىلىندا 202 مىڭ وقۋشى قاشىقتان وقيتىنىن حابارلاعان ەدٸ.
«2020-2021 وقۋ جىلىندا ەلوردا بويىنشا 202 مىڭ مەكتەپ وقۋشىسى بولادى دەپ كٷتٸلۋدە. (ٶتكەن جىلى - 182 279). بٸرٸنشٸ سىنىپقا 27 مىڭنان استام وقۋشىنى قابىلداۋ جوسپارلانىپ وتىر. بٷگٸنگە دەيٸن 12 453 ٶتٸنٸش بەرٸلدٸ. قۇجات قابىلداۋ ەلەكتروندى ٷكٸمەت Egov.kz پورتالى ارقىلى جەنە قاعاز تٷرٸندە مەكتەپتەردە جٷرگٸزٸلٸپ جاتىر», - دەدٸ شولپان قادىروۆا.
