Búgin Nur-Sultanda Halyqaralyq ÁMEN Animation film festival-iniń ashylý rásimi ótti, dep habarlaidy "Ult aqparat".
Óner merekesine túrki elderiniń, atap aitqanda, Túrkiia, Ózbekstan, Qyrǵyzstan, Tatarstan jáne Bashqurtstan ókilderi qatysýda.
Festivaldiń ashylýyna orai otandyq mýltiplikatsiia salasyna jaýapty qurylymdar men animatsiia mamandarynyń qatysýymen «Qazaq animatsiiasynyń kókeikesti máseleleri» taqyrybynda onlain dóńgelek ústel uiymdastyryldy.
Jiynda ÁMEN Animation film festival-iniń prezidenti ári dóńgelek ústel moderatory Maqpal Jumabai festivaldiń maqsaty men mindetterine toqtaldy.
Ámen Qaidarovtyń izbasary, QR Eńbek sińirgen qairatkeri Jáken Dánenov kinofestivaldiń ashylýymen quttyqtap, aq jol tiledi. Sonymen qatar Qazaqstan aýmaǵynda habar taratatyn sheteldik balalar arnalarynyń ónimderin qazaq tiline aýdarý jaily usynys bildirdi.
Festivaldiń ashylýyna qatysqan QR Aqparat jáne qoǵamdyq damý vitse-ministri Bolat Ánapiiauly ministr Aida Balaevanyń quttyqtaýyn jetkizdi.
«Qoǵamymyzdyń keleshek gúldenýi de, ómirimizdiń ónegeli túrlenýi de, jas urpaqqa berer búgingi tárbiemiz de tálim-tárbiege, úlgi-ónegege bailanysty ekeni anyq. Bul rette elimizdegi qazaq animatsiiasynyń basy-qasynda júrgen talant ieleri ulttyq mýltiplikatsiianyń básekege qabilettiligin shyńdap, sonyń ishinde qazaq tildi balalar kontentiniń aýqymyn keńeitip, qarqynyn odan ári údetedi dep senemiz. Árine bul baǵyttaǵy arqalap júrgen júktiń salmaǵy aýyr. Sondyqtan osy izgi sharýaǵa bel sheshe kirisip, berekesin keltirip júrgen otandyq animatorlar qaýymyna zor alǵysymdy aitamyn», – delingen hatta.
Ámen kinofestivalin erekshe mártebeli shara dep atap ótken Bolat Ánapiiauly otandyq animatsiia salasynyń damý qarqynyn joǵary baǵalady. Sondai-aq, Jáken Dánenovtiń usynysyn quptai kele, elimizde habar taratatyn sheteldik balalar telearnalaryn qazaqshalaý máselesi ózekti taqyryp ekenin aitty.
QR Mádeniet jáne sport ministri Aqtoty Raiymqulovanyń festival uiymdastyrýshylaryna joldaǵan quttyqtaýyn dóńgelek ústel barysynda ministrdiń keńesshisi Erlan Jurynbaev jetkizdi.
Ministr: «Biylǵy kúlli álem úshin syndarly kezeńge qaramastan, osymen ekinshi ret ótip jatqan festival taqyryby jaǵynan jańa, áralýan talai týyndyny kórermenge usynǵaly otyr. Kún ótken saiyn eselenip damyp kele jatqan zamanaýi tehnologiia jeńisiniń biri – animatsiia kópshiliktiń joǵary baǵasyna ie bolyp, aiasyn keńeitip keledi. Osy oraida, eren eńbekti qajet etetin filmder sherýin uiymdastyýshylarǵa alǵys aitamyz. Osy jyly shekarasyn keńeitip túbi bir túrki elderi ókilderiniń basyn qosqan festival jumysyna sáttilik tileimiz», – dep lebiz bildirgen.
Sonymen qatar Erlan Jurynbaev otandyq kinoóndirýshilerdi qoldaý maqsatynda ministrlik zańnamalyq máselelerdiń keshendi túrde sheshilip jatqanyn málimdedi.
QR Mádeniet jáne sport ministrliginiń Til saiasaty komitetiniń tóraǵasy Ádilbek Qaba animatsiianyń ultty tárbieleýshi strategiialyq mánine asa mán berip, aldaǵy ýaqytta komitet tarapynan da birqatar mańyzdy joba men sheshimderdiń júzege asyrylatynyn atap ótti.
Budan bólek, jiynda «Rýhani jańǵyrý» qazaqstandyq qoǵamdyq damý institýty» KEAQ «Rýhani jańǵyrý» ortalyǵynyń basshysy Janar Boqanova memlekettik tildi damytýdaǵy animatsiianyń róline toqtaldy. Óz sózinde «Rýhani jańǵyrý» baǵdarlamasynyń animatsiiamen ushtasatyn bólimi bolýy keregin, memlekettik jáne jeke menshik seriktestikke qurylǵan arnaiy baǵdarlama qabyldaityn ýaqyt kelgenin, sol sebepti animatsiiany damytý boiynsha arnaiy jol kartasy daiyndalatynyn jetkizdi.
Al «Balapan» telearnasynyń bas prodiýseri Sandýǵash Baimahanqyzy balalar arnasynyń mýltiplikatsiia salasyn damytýǵa qosyp jatqan úlesi zor ekenin atap ótti. Iaǵni, «Balapan»-nyń otandyq naryqtaǵy animatsiialyq jobalardyń 90 paiyzǵa jýyǵyn óndiretinin aita kele, qazaq tilindegi animatsiialyq kontenttiń sanyn arttyryp, tapsyrys kózderin kóbeitý máselesin alǵa tartty.
Ulttyq kinony qoldaý memlekettik ortalyǵy basqarma tóraǵasynyń orynbasary Aidar Asqaruly kino ortalyqtyń qarjylandyrýymen júzege asyrylǵan animatsiialyq jobalarǵa toqtalyp, otandyq mýltiplikator mamandarǵa rizashylyǵyn jetikizdi. Sondai-aq, Sh. Aimanov atyndaǵy «Qazaqfilm» AQ» animatsiialyq stýdiiasynyń basshysy Adai Ábdilda animatsiia salasynda bilim granttaryn kóbeitý jáne jas mamandardyń álemdik ozyq animatsiialyq stýdiialarda kásibi taǵylymdamadan ótip, tájiribe almasýyna múmkindik jasaý jaily sóz qozǵady.
Budan bólek, Qazaqstandyq animatsiialyq kinostýdiialar qaýymdastyǵynyń basshysy Jánibek Orazaly memleketke qarasty animatsiialyq ortalyq qurý jaily tilegin bildirse, «Dala animatoin» animatsiialyq stýdiiasynyń direktory, rejisser-animator Dilshat Rahmatýllin balalarǵa arnalǵan kontent jasaityn jeke stýdiialardy tehnikalyq modernizatsiiadan ótkizý úshin memleket tarapynan sýbsidiia bólý tájiribesin usyndy.
«SAQ» kinostýdiiasynyń direktory, prodiýser – Nuriddin Patteev otandyq animatsiialyq ónimderdiń qarjylandyrýyn júieleý jáne tólem tarifikatsiiasyn retteý máselesin alǵa tartty. Al «Anyz film» animatsiialyq stýdiiasynyń direktory, rejisser-animator Turdybek Maidan otandyq tolyqmetrli animatsiialyq filmderdiń prokattyq kórsetilimin uiymdastyrý máselesine toqtaldy.
Biyl festival qorjynyna 47 film usynylyp, onyń 37-si irikteýden ótti. Sondai-aq, úsh el mamandarynyń atsalysýymen 11 master-klass uiymdastyrylyp, oǵan 100-den asa qatysýshy tirkeldi. Al «Qazaq animatsiiasynyń retrospektivasy» baǵdarlamasy negizinde 16 film kórsetilip, otandyq «Mahambet» mýltfilminiń halyqaralyq kórsetilimi jáne Túrkiialyq «Rafadan Taifa jerasty hikaialary» filminiń Qazaqstandaǵy tusaýkeseri uiymdastyrylýda.
Baiqaýǵa tórelik etetin qazylar alqasynyń quramy óte bilikti mamandardan jasaqtalyp otyr. Olardyń qatarynda qazylar alqasynyń tóraǵasy, kinotanýshy, PhD doktory, T. Júrgenov atyndaǵy Qazaq ulttyq óner akademiiasynyń «Kino tarihy jáne teoriiasy» kafedrasynyń dotsenti Baýbek Nógerbek, QR mádeniet qairatkeri, «Eren eńbegi úshin» medaliniń iegeri, «SAQ» kinostýdiiasynyń bas rejisseri, qazylar alqasynyń tóraǵasy Batyrhan Dáýrenbekov, jazýshy-dramatýrg, QR Eńbek sińirgen qairatkeri Roza Muqanova, Japoniialyq animatsiia kinorejisseri, «Netflix», «Warner Brothers», «Disney», «Mad House», «Studio 4C» kompaniialarymen birlese jumys istegen Ashino Ioshiharý, animatsiialyq kino rejisseri, QHR-dyń Beijiń qalasyndaǵy «Qyran» stýdiiasynyń direktory Arysbek Muqan, jas ánshi, respýblikalyq jáne halyqaralyq án baiqaýlarynyń jeńimpazy, «Junior Eurovision-2020» qatysýshysy Qaraqat Bashanova, rejisser, prodiýser, «Qazart» kinostýdiiasynyń direktory, «ÁMEN Animation film festival – 2019» júldegeri Qasiet Saqiolla syndy elge belgili mamandar jáne álemdik deńgeidegi animatsiia sheberleri de bar.
Kinofestival uiymdastyrýshylary – «OzgeEpic» zamanaýi óner keńistigi men Qazaqstan animatsiialyq kinostýdiialar qaýymdastyǵy.
