بٷگٸن نۇر-سۇلتاندا حالىقارالىق ÁMEN Animation film festival-ٸنٸڭ اشىلۋ رەسٸمٸ ٶتتٸ, دەپ حابارلايدى "ۇلت اقپارات".
ٶنەر مەرەكەسٸنە تٷركٸ ەلدەرٸنٸڭ, اتاپ ايتقاندا, تٷركييا, ٶزبەكستان, قىرعىزستان, تاتارستان جەنە باشقۇرتستان ٶكٸلدەرٸ قاتىسۋدا.
فەستيۆالدٸڭ اشىلۋىنا وراي وتاندىق مۋلتيپليكاتسييا سالاسىنا جاۋاپتى قۇرىلىمدار مەن انيماتسييا ماماندارىنىڭ قاتىسۋىمەن «قازاق انيماتسيياسىنىڭ كٶكەيكەستٸ مەسەلەلەرٸ» تاقىرىبىندا ونلاين دٶڭگەلەك ٷستەل ۇيىمداستىرىلدى.
جيىندا ÁMEN Animation film festival-ٸنٸڭ پرەزيدەنتٸ ەرٸ دٶڭگەلەك ٷستەل مودەراتورى ماقپال جۇماباي فەستيۆالدٸڭ ماقساتى مەن مٸندەتتەرٸنە توقتالدى.
ەمەن قايداروۆتىڭ ٸزباسارى, قر ەڭبەك سٸڭٸرگەن قايراتكەرٸ جەكەن دەنەنوۆ كينوفەستيۆالدٸڭ اشىلۋىمەن قۇتتىقتاپ, اق جول تٸلەدٸ. سونىمەن قاتار قازاقستان اۋماعىندا حابار تاراتاتىن شەتەلدٸك بالالار ارنالارىنىڭ ٶنٸمدەرٸن قازاق تٸلٸنە اۋدارۋ جايلى ۇسىنىس بٸلدٸردٸ.
فەستيۆالدٸڭ اشىلۋىنا قاتىسقان قر اقپارات جەنە قوعامدىق دامۋ ۆيتسە-مينيسترٸ بولات ەناپيياۇلى مينيستر ايدا بالاەۆانىڭ قۇتتىقتاۋىن جەتكٸزدٸ.
«قوعامىمىزدىڭ كەلەشەك گٷلدەنۋٸ دە, ٶمٸرٸمٸزدٸڭ ٶنەگەلٸ تٷرلەنۋٸ دە, جاس ۇرپاققا بەرەر بٷگٸنگٸ تەربيەمٸز دە تەلٸم-تەربيەگە, ٷلگٸ-ٶنەگەگە بايلانىستى ەكەنٸ انىق. بۇل رەتتە ەلٸمٸزدەگٸ قازاق انيماتسيياسىنىڭ باسى-قاسىندا جٷرگەن تالانت يەلەرٸ ۇلتتىق مۋلتيپليكاتسييانىڭ بەسەكەگە قابٸلەتتٸلٸگٸن شىڭداپ, سونىڭ ٸشٸندە قازاق تٸلدٸ بالالار كونتەنتٸنٸڭ اۋقىمىن كەڭەيتٸپ, قارقىنىن ودان ەرٸ ٷدەتەدٸ دەپ سەنەمٸز. ەرينە بۇل باعىتتاعى ارقالاپ جٷرگەن جٷكتٸڭ سالماعى اۋىر. سوندىقتان وسى ٸزگٸ شارۋاعا بەل شەشە كٸرٸسٸپ, بەرەكەسٸن كەلتٸرٸپ جٷرگەن وتاندىق انيماتورلار قاۋىمىنا زور العىسىمدى ايتامىن», – دەلٸنگەن حاتتا.
ەمەن كينوفەستيۆالٸن ەرەكشە مەرتەبەلٸ شارا دەپ اتاپ ٶتكەن بولات ەناپيياۇلى وتاندىق انيماتسييا سالاسىنىڭ دامۋ قارقىنىن جوعارى باعالادى. سونداي-اق, جەكەن دەنەنوۆتٸڭ ۇسىنىسىن قۇپتاي كەلە, ەلٸمٸزدە حابار تاراتاتىن شەتەلدٸك بالالار تەلەارنالارىن قازاقشالاۋ مەسەلەسٸ ٶزەكتٸ تاقىرىپ ەكەنٸن ايتتى.
قر مەدەنيەت جەنە سپورت مينيسترٸ اقتوتى رايىمقۇلوۆانىڭ فەستيۆال ۇيىمداستىرۋشىلارىنا جولداعان قۇتتىقتاۋىن دٶڭگەلەك ٷستەل بارىسىندا مينيستردٸڭ كەڭەسشٸسٸ ەرلان جۇرىنباەۆ جەتكٸزدٸ.
مينيستر: «بيىلعى كٷللٸ ەلەم ٷشٸن سىندارلى كەزەڭگە قاراماستان, وسىمەن ەكٸنشٸ رەت ٶتٸپ جاتقان فەستيۆال تاقىرىبى جاعىنان جاڭا, ەرالۋان تالاي تۋىندىنى كٶرەرمەنگە ۇسىنعالى وتىر. كٷن ٶتكەن سايىن ەسەلەنٸپ دامىپ كەلە جاتقان زاماناۋي تەحنولوگييا جەڭٸسٸنٸڭ بٸرٸ – انيماتسييا كٶپشٸلٸكتٸڭ جوعارى باعاسىنا يە بولىپ, اياسىن كەڭەيتٸپ كەلەدٸ. وسى ورايدا, ەرەن ەڭبەكتٸ قاجەت ەتەتٸن فيلمدەر شەرۋٸن ۇيىمداستىۋشىلارعا العىس ايتامىز. وسى جىلى شەكاراسىن كەڭەيتٸپ تٷبٸ بٸر تٷركٸ ەلدەرٸ ٶكٸلدەرٸنٸڭ باسىن قوسقان فەستيۆال جۇمىسىنا سەتتٸلٸك تٸلەيمٸز», – دەپ لەبٸز بٸلدٸرگەن.
سونىمەن قاتار ەرلان جۇرىنباەۆ وتاندىق كينوٶندٸرۋشٸلەردٸ قولداۋ ماقساتىندا مينيسترلٸك زاڭنامالىق مەسەلەلەردٸڭ كەشەندٸ تٷردە شەشٸلٸپ جاتقانىن مەلٸمدەدٸ.
قر مەدەنيەت جەنە سپورت مينيسترلٸگٸنٸڭ تٸل ساياساتى كوميتەتٸنٸڭ تٶراعاسى ەدٸلبەك قابا انيماتسييانىڭ ۇلتتى تەربيەلەۋشٸ ستراتەگييالىق مەنٸنە اسا مەن بەرٸپ, الداعى ۋاقىتتا كوميتەت تاراپىنان دا بٸرقاتار ماڭىزدى جوبا مەن شەشٸمدەردٸڭ جٷزەگە اسىرىلاتىنىن اتاپ ٶتتٸ.
بۇدان بٶلەك, جيىندا «رۋحاني جاڭعىرۋ» قازاقستاندىق قوعامدىق دامۋ ينستيتۋتى» كەاق «رۋحاني جاڭعىرۋ» ورتالىعىنىڭ باسشىسى جانار بوقانوۆا مەملەكەتتٸك تٸلدٸ دامىتۋداعى انيماتسييانىڭ رٶلٸنە توقتالدى. ٶز سٶزٸندە «رۋحاني جاڭعىرۋ» باعدارلاماسىنىڭ انيماتسييامەن ۇشتاساتىن بٶلٸمٸ بولۋى كەرەگٸن, مەملەكەتتٸك جەنە جەكە مەنشٸك سەرٸكتەستٸككە قۇرىلعان ارنايى باعدارلاما قابىلدايتىن ۋاقىت كەلگەنٸن, سول سەبەپتٸ انيماتسييانى دامىتۋ بويىنشا ارنايى جول كارتاسى دايىندالاتىنىن جەتكٸزدٸ.
ال «Balapan» تەلەارناسىنىڭ باس پروديۋسەرٸ ساندۋعاش بايماحانقىزى بالالار ارناسىنىڭ مۋلتيپليكاتسييا سالاسىن دامىتۋعا قوسىپ جاتقان ٷلەسٸ زور ەكەنٸن اتاپ ٶتتٸ. ياعني, «Balapan»-نىڭ وتاندىق نارىقتاعى انيماتسييالىق جوبالاردىڭ 90 پايىزعا جۋىعىن ٶندٸرەتٸنٸن ايتا كەلە, قازاق تٸلٸندەگٸ انيماتسييالىق كونتەنتتٸڭ سانىن ارتتىرىپ, تاپسىرىس كٶزدەرٸن كٶبەيتۋ مەسەلەسٸن العا تارتتى.
ۇلتتىق كينونى قولداۋ مەملەكەتتٸك ورتالىعى باسقارما تٶراعاسىنىڭ ورىنباسارى ايدار اسقارۇلى كينو ورتالىقتىڭ قارجىلاندىرۋىمەن جٷزەگە اسىرىلعان انيماتسييالىق جوبالارعا توقتالىپ, وتاندىق مۋلتيپليكاتور ماماندارعا ريزاشىلىعىن جەتٸكٸزدٸ. سونداي-اق, ش. ايمانوۆ اتىنداعى «قازاقفيلم» اق» انيماتسييالىق ستۋديياسىنىڭ باسشىسى اداي ەبدٸلدا انيماتسييا سالاسىندا بٸلٸم گرانتتارىن كٶبەيتۋ جەنە جاس مامانداردىڭ ەلەمدٸك وزىق انيماتسييالىق ستۋدييالاردا كەسٸبي تاعىلىمدامادان ٶتٸپ, تەجٸريبە الماسۋىنا مٷمكٸندٸك جاساۋ جايلى سٶز قوزعادى.
بۇدان بٶلەك, قازاقستاندىق انيماتسييالىق كينوستۋدييالار قاۋىمداستىعىنىڭ باسشىسى جەنٸبەك ورازالى مەملەكەتكە قاراستى انيماتسييالىق ورتالىق قۇرۋ جايلى تٸلەگٸن بٸلدٸرسە, «Dala animatoin» انيماتسييالىق ستۋديياسىنىڭ ديرەكتورى, رەجيسسەر-انيماتور ديلشات راحماتۋللين بالالارعا ارنالعان كونتەنت جاسايتىن جەكە ستۋدييالاردى تەحنيكالىق مودەرنيزاتسييادان ٶتكٸزۋ ٷشٸن مەملەكەت تاراپىنان سۋبسيدييا بٶلۋ تەجٸريبەسٸن ۇسىندى.
«ساق» كينوستۋديياسىنىڭ ديرەكتورى, پروديۋسەر – نۇريددين پاتتەەۆ وتاندىق انيماتسييالىق ٶنٸمدەردٸڭ قارجىلاندىرۋىن جٷيەلەۋ جەنە تٶلەم تاريفيكاتسيياسىن رەتتەۋ مەسەلەسٸن العا تارتتى. ال «اnyz film» انيماتسييالىق ستۋديياسىنىڭ ديرەكتورى, رەجيسسەر-انيماتور تۇردىبەك مايدان وتاندىق تولىقمەترلٸ انيماتسييالىق فيلمدەردٸڭ پروكاتتىق كٶرسەتٸلٸمٸن ۇيىمداستىرۋ مەسەلەسٸنە توقتالدى.
بيىل فەستيۆال قورجىنىنا 47 فيلم ۇسىنىلىپ, ونىڭ 37-سٸ ٸرٸكتەۋدەن ٶتتٸ. سونداي-اق, ٷش ەل ماماندارىنىڭ اتسالىسۋىمەن 11 ماستەر-كلاسس ۇيىمداستىرىلىپ, وعان 100-دەن اسا قاتىسۋشى تٸركەلدٸ. ال «قازاق انيماتسيياسىنىڭ رەتروسپەكتيۆاسى» باعدارلاماسى نەگٸزٸندە 16 فيلم كٶرسەتٸلٸپ, وتاندىق «ماحامبەت» مۋلتفيلمٸنٸڭ حالىقارالىق كٶرسەتٸلٸمٸ جەنە تٷركييالىق «رافادان تايفا جەراستى حيكايالارى» فيلمٸنٸڭ قازاقستانداعى تۇساۋكەسەرٸ ۇيىمداستىرىلۋدا.
بايقاۋعا تٶرەلٸك ەتەتٸن قازىلار القاسىنىڭ قۇرامى ٶتە بٸلٸكتٸ مامانداردان جاساقتالىپ وتىر. ولاردىڭ قاتارىندا قازىلار القاسىنىڭ تٶراعاسى, كينوتانۋشى, PhD دوكتورى, ت. جٷرگەنوۆ اتىنداعى قازاق ۇلتتىق ٶنەر اكادەميياسىنىڭ «كينو تاريحى جەنە تەوريياسى» كافەدراسىنىڭ دوتسەنتٸ باۋبەك نٶگەربەك, قر مەدەنيەت قايراتكەرٸ, «ەرەن ەڭبەگٸ ٷشٸن» مەدالٸنٸڭ يەگەرٸ, «ساق» كينوستۋديياسىنىڭ باس رەجيسسەرٸ, قازىلار القاسىنىڭ تٶراعاسى باتىرحان دەۋرەنبەكوۆ, جازۋشى-دراماتۋرگ, قر ەڭبەك سٸڭٸرگەن قايراتكەرٸ روزا مۇقانوۆا, جاپونييالىق انيماتسييا كينورەجيسسەرٸ, «Netflix», «Warner Brothers», «Disney», «Mad House», «Studio 4C» كومپانييالارىمەن بٸرلەسە جۇمىس ٸستەگەن اشينو يوشيحارۋ, انيماتسييالىق كينو رەجيسسەرٸ, قحر-دىڭ بەيجٸڭ قالاسىنداعى «قىران» ستۋديياسىنىڭ ديرەكتورى ارىسبەك مۇقان, جاس ەنشٸ, رەسپۋبليكالىق جەنە حالىقارالىق ەن بايقاۋلارىنىڭ جەڭٸمپازى, «Junior Eurovision-2020» قاتىسۋشىسى قاراقات باشانوۆا, رەجيسسەر, پروديۋسەر, «Qazart» كينوستۋديياسىنىڭ ديرەكتورى, «ÁMEN Animation film festival – 2019» جٷلدەگەرٸ قاسيەت ساقيوللا سىندى ەلگە بەلگٸلٸ ماماندار جەنە ەلەمدٸك دەڭگەيدەگٸ انيماتسييا شەبەرلەرٸ دە بار.
كينوفەستيۆال ۇيىمداستىرۋشىلارى – «OzgeEpic» زاماناۋي ٶنەر كەڭٸستٸگٸ مەن قازاقستان انيماتسييالىق كينوستۋدييالار قاۋىمداستىعى.
