Elordada koronavirýsqa qarsy vaktsina salynatyn 735 adam bar. Bul týraly Nur-Sultan qalalyq qoǵamdyq densaýlyq saqtaý basqarmasynyń basshysy Timýr Muratov aitty, dep habarlaidy QazAqparat.
«Memleket basshysynyń tapsyrmasy boiynsha halyqty koronavirýs infektsiiasyna qarsy kezeń-kezeńimen egý vaktsinanyń túsýine bailanysty osy jyldyń 1 aqpanynan bastaldy. Vaktsinatsiia 18-den 64 jasqa deiingi adamdarǵa jasalady. Nur-Sultanda osy sanatqa kiretin 735 myń adam bar. Vaktsinatsiia erikti negizde jáne ár azamatqa tegin jasalady. Turaqty profilaktikalyq egýlerge jáne ýaqytsha meditsinalyq qarsy kórsetilimderi bar adamdarǵa KVI-ǵa qarsy ekpe salynbaidy. Sondai-aq, koronavirýstyń aýyr jaǵdaiy jáne simptomsyz belgileri bar adamdar ekpe alýǵa jatpaidy», - dedi ol Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, juqpaly aýrýy bar, onyń ishinde KVI-men aýyrǵan naýqaspen bailanysta bolǵan adamdar karantin merzimi aiaqtalǵannan keiin ǵana vaktsinalanady.
«Ekpe salý aldynda COVID-19 qarsy antidenelerdiń bar-joǵyn anyqtaý úshin skrining jasalmaitynyn atap ótkim keledi. Koronavirýs infektsiiasynyń kez kelgen formasymen aýyrǵan patsient emdelip shyqqannan keiin densaýlyq jaǵdaiyna bailanysty keminde 6 aidan keiin ekpe alǵany durys. Vaktsinany qabyldaýǵa qarsy kórsetilimder - vaktsinanyń kez kelgen komponentine joǵary sezimtaldyq, aýyr allergiialyq reaktsiialar. Júkti áielder jáne bala emizetin analarǵa vaktsina alýǵa bolmaidy. Ekpe balalarǵa jáne 65 jastan asqan adamdarǵa salynbaidy», - dedi Timýr Muratov.
