Elordada 719 meditsina qyzmetkeri koronaviýrsqa qarsy vaktsina saldyrtty. Bul týraly Ortalyq kommýnikatsiialar qyzmetinde Nur-Sultan qalasynyń qoǵamdyq densaýlyq saqtaý basqarmasynyń basshysy Timýr Muratov málim etti, dep habarlaidy QazAqparat.
«Elimizde koronavirýs infektsiiasyna qarsy vaktsinalaý jalǵasýda. 1 aqpannan bastap osy ýaqyt aralyǵynda 719 adam virýsqa qarsy vaktsina salyndy, iaǵni 78 paiyzdan artyq. Birinshi kezeńge virýsty juqtyryp alý qaýpi joǵary tobyna jatatyn meditsina qyzmetkerleri (juqpaly aýrýlar aýrýhanalary, jedel-járdem qyzmetkerleri, alǵashqy meditsinalyq kómek kórsetý uiymdary, kópsalaly aýrýhanalardyń qabyldaý bólimderi) qyzmetkerleri virýsqa qarsy ekpe alyp jatyr», - dedi T. Muratov.
Jalpy, 1-8 aqpan aralyǵynda vaktsinalamen 916 adam qamtylǵan edi, sonyń ishinde 719-yna ekpe salyndy. Osy oraida ol vaktsinatsiia erikti túrde, ár adamnyń ekpe alý-almaý quqyǵyn saqtai otyryp jasalatynyn eske saldy.
«Búginde Qoǵamdyq densaýlyq saqtaý basqarmasynyń qoimasynda KVI-ǵa qarsy vaktsinanyń 1 531 dozasy bar. Eske salaiyq, turaqty profilaktikalyq egýlerge jáne ýaqytsha meditsinalyq qarsy kórsetilimderi bar adamdarǵa KVI-ǵa qarsy ekpe salynbaidy. Sondai-aq, koronavirýstyń aýyr jaǵdaiy jáne simptomsyz belgileri bar adamdar ekpe alýǵa jatpaidy. Juqpaly aýrýy bar naýqaspen, onyń ishinde KVI-men aýyrǵan naýqaspen bailanysta bolǵan adamdar karantin merzimi aiaqtalǵanǵa deiin vaktsina almaidy», - dep naqtylady basqarma basshysy.
Birinshi kezeńde vaktsinatsiia bes qalalyq emhanada júrgizilip jatyr. Alaida, keleshekte halyqty jappai vaktsinalaý bastalǵan sátte qala boiynsha 36 uiymda emshara bólmeleri uiymdastyrylady.
