3 tamyzdan bastap jumys berýshiler men qala turǵyndarynyń ótinishi boiynsha avtobýstar qozǵalysy jandanady. Bul týraly qala ákimi Altai Kólginov Instagram paraqshasyna jazdy, dep habarlaidy "Ult aqparat".
«Men karantin kezeńindegi qoǵamdyq kólikterdiń daiyndyǵymen tanystym. Jumys berýshiler men qala turǵyndarynyń ótinishi boiynsha biz 3 tamyzdan bastap avtobýs qozǵalysyn qalpyna keltiremiz. Tek qala ishinde júretin baǵyttar iske qosylady», - dedi Nur-Sultan qalasynyń ákimi.
Avtobýstar saǵat 6: 00-den 21: 00-ge deiin júredi. Qoǵamdyq kólikterge maskasyz kirýge tyiym salynady.
Onyń aitýynsha, kóliktik baqylaý bóliminiń qyzmetkerleri kún saiyn reidter júrgizip, júrgizýshiler de, jolaýshylar da maska rejimin saqtaityn bolady. Júrgizýshilerge jolaýshylardy salonǵa maskasyz kirgizýge qatań tyiym salynady. Avtobýstan tek aldyńǵy esikten shyǵady. Jol júrý aqysy banktik aýdarym arqyly jasalady.
Buǵan deiin Qazaqstan Respýblikasynyń Densaýlyq saqtaý ministri Aleksei Tsoi Úkimet otyrysynda Qazaqstanda 3 tamyzdan bastap shekteýli túrde qoǵamdyq kólikter jumysyn qaita jandanatyndyǵy týraly aitty.
