3 تامىزدان باستاپ جۇمىس بەرۋشٸلەر مەن قالا تۇرعىندارىنىڭ ٶتٸنٸشٸ بويىنشا اۆتوبۋستار قوزعالىسى جاندانادى. بۇل تۋرالى قالا ەكٸمٸ التاي كٶلگٸنوۆ Instagram پاراقشاسىنا جازدى, دەپ حابارلايدى "ۇلت اقپارات".
«مەن كارانتين كەزەڭٸندەگٸ قوعامدىق كٶلٸكتەردٸڭ دايىندىعىمەن تانىستىم. جۇمىس بەرۋشٸلەر مەن قالا تۇرعىندارىنىڭ ٶتٸنٸشٸ بويىنشا بٸز 3 تامىزدان باستاپ اۆتوبۋس قوزعالىسىن قالپىنا كەلتٸرەمٸز. تەك قالا ٸشٸندە جٷرەتٸن باعىتتار ٸسكە قوسىلادى», - دەدٸ نۇر-سۇلتان قالاسىنىڭ ەكٸمٸ.
اۆتوبۋستار ساعات 6: 00-دەن 21: 00-گە دەيٸن جٷرەدٸ. قوعامدىق كٶلٸكتەرگە ماسكاسىز كٸرۋگە تىيىم سالىنادى.
ونىڭ ايتۋىنشا, كٶلٸكتٸك باقىلاۋ بٶلٸمٸنٸڭ قىزمەتكەرلەرٸ كٷن سايىن رەيدتەر جٷرگٸزٸپ, جٷرگٸزۋشٸلەر دە, جولاۋشىلار دا ماسكا رەجيمٸن ساقتايتىن بولادى. جٷرگٸزۋشٸلەرگە جولاۋشىلاردى سالونعا ماسكاسىز كٸرگٸزۋگە قاتاڭ تىيىم سالىنادى. اۆتوبۋستان تەك الدىڭعى ەسٸكتەن شىعادى. جول جٷرۋ اقىسى بانكتٸك اۋدارىم ارقىلى جاسالادى.
بۇعان دەيٸن قازاقستان رەسپۋبليكاسىنىڭ دەنساۋلىق ساقتاۋ مينيسترٸ الەكسەي تسوي ٷكٸمەت وتىرىسىندا قازاقستاندا 3 تامىزدان باستاپ شەكتەۋلٸ تٷردە قوعامدىق كٶلٸكتەر جۇمىسىن قايتا جانداناتىندىعى تۋرالى ايتتى.
