Elordada 145 meditsinalyq qyzmetker koronaviýrstyq infektsiiaǵa qarsy vaktsinalandy. Bul týraly qalalyq Qoǵamdyq densaýlyq saqtaý basqarmasynan málim boldy, dep habarlaidy "Ult aqparat".
Birinshi kezeńde ekpe alýshylardyń alǵashqylary bolyp qalalyq aýrýhanalardyń, qalanyń juqpaly aýrýlar ortalyǵynyń meditsinalyq qyzmetkerleri, jedel járdem brigadasynyń feldsherleri boldy.
Emhana brigadysynyń feldsheri vaktsinatsiia týraly pikirimen bólisip, vaktsinatsiiadan keiin ózin qalai sezinetinin aitty.
«Vaktsinatsiiadan keiin eshbir jerim mazalaǵan joq, bastyń ainalýy nemese júrek ainýy baiqalǵan joq. Men ózimdi óte jaqsy sezinip turmyn. Ekpe saldyrtýdy sheshken sebebim, óitkeni men patsienttermen tyǵyz qarym-qatynasta jumys isteimin, túrli shaqyrtýlarǵa shyǵamyn», - dedi feldsher Ersultan Úsenuly.
Qainar Farhaduly, Qalalyq №9 emhananyń súzgi-kabinetiniń dárigeri kúnine 250-ge deiin adam jedel respiratorlyq virýstyq infektsiialar men sýyq tiiý belgilerimen keletinin jáne olardy qabyldaitynyn aitty.
«Biraq test júrgizilgenge deiin, keibireýlerinde koronavirýstyq infektsiia joq dep naqty aitý múmkin emes. Vaktsinatsiia, eń aldymen, meni aýyryp qalýdan qorǵaidy. Qazir vaktsinatsiiadan keiin ózimdi jaqsy sezinemin», - deidi dáriger.
Jalpy, elordada 6300 meditsinalyq qyzmetker KVI infektsiiasyna qarsy vaktsinatsiiadan ótedi. Tizimder mamandardyń erikti kelisimi boiynsha jasalǵanyn atap ótemiz.
