Elorda politseileri turǵyn úidiń 12-shi qabatynan sekirmek bolǵan jigitti qutqaryp qaldy, dep habarlaidy "Ult aqparat".
«102» pýltine Tilendiev kóshesi boiyndaǵy turǵyn úidiń 12-shi qabatynan er adam sekirýge áreket jasaǵandyǵy týraly kýágerlerden habar kelip tústi. Oqiǵa ornyna jedel túrde politsiia qyzmetkerleri bardy», - delingen Polisia.kz málimetinde.
Politsiia atalǵan turǵyn úige jetken kezde jas jigit balkon qorshaýynyń ústine shyǵyp alǵany anyqtaldy. Patrýldik politsiia polki vzvodynyń komandiri Ádiljan Musylmanbekov joǵary qabyttan sekirýge talpynǵan jigittiń nazaryn ózine aýdaryp, qolaily sátte ony balkonnyń ishine qarai tartyp aldy.
Meditsinalyq kýálandyrý nátijesinde 26 jastaǵy jigit alkogoldik ishimdikke masaiǵany anyqtaldy. Otbasylyq janjaldan keiin 12-shi qabattan sekirmek bolǵan. Ol politsiianyń aýdandyq bólimine jetkizilip, ol jerge psihologtar shaqyrtyldy.
