- Elordanyń temir jol vokzaly aýmaǵyndaǵy turaqty qardan tazartý úshin kólikterden bosatýda, dep habarlaidy "Ult aqparat".
«Astana. Vokzal mańyzdaǵy alań. Turaq aýmaǵyn kólikterden bosatyp, qaryn tazalaýǵa kirisýde. Kelesi aptadan bastap bul aýmaqty ákimdik basqaratyn bolady. Endigi ýaqytta bul jer beibereketsizdikten arylyp, tártip ornaityndyǵyna úmit artamyn», - dep jazdy Feisbýkte Astana qalasy ákiminiń keńesshisi Qaisar Jumabai.
Esterińizge sala ketsek, taiaýda Astana qalasynyń ákimi Áset Isekeshev elordanyń temirjol vokzalynyń mańyndaǵy jaǵdaidy tekserdi. Sol kezde temirjol vokzaly men «Saparjai» basshylary ákimge aqyly avtoturaq júiesi áýejai mańyndaǵy avtoturaq siiaqty jumys isteitin bolatyndyǵyn aitqan edi. Bul jerde de bastapqy 20 minýty tegin bolsa, keiin ár saǵaty úshin 200 teńge alynady. Tegin oryndar akkreditatsiiadan ótken taksi júrgizýshilerine ǵana beriledi. Al «Saparjai» avtovokzalymen yntymaqtastyqqa kelmegen taksi júrgizýshilerine tegin oryndar berilmeidi. Bul taksi júrgizýshileri kóbine Astana-Pavlodar, Astana -Qaraǵandy, Astana-Kókshetaý baǵyttarynda jolaýshy tasymaldap keledi. Eger olar akkreditatsiiadan ótpese, basqa avtokólik ieleri siiaqty aqsha tóleitin bolady.
.jpeg)