Elorda politseileri «dizainerlik» esirtkini saýdalaýda kúdikti tanylǵan er adamdy ustady, dep habarlaidy "Ult aqparat" Nur-Sultan qalasy politsiia departamentiniń baspasóz qyzmetine silteme jasap.
Elorda aýmaǵynda sintetikalyq esirtkini jetkizý arnasynyń jolyn kesý maqsatynda qalalyq politsiia departamentiniń qyzmetkerleri jedel-izdeý sharalaryn ótkizdi.
Osylaisha, politseiler arnaiy is-shara barysynda asa iri kólemdegi «dizainerlik» esirtkini saýdalaýda kúdikti dep tanylǵan 32 jastaǵy er adamdy ustady.
Tekserý kezinde odan 800 gramǵa jýyq «sintetika» tabyldy.
Er adam qoldan jasalǵan esirtkini elimizdiń Temirtaý, Atyraý jáne Pavlodar siiaqty basqa óńirlerine joldamaq bolǵan.
Budan bólek, onyń turatyn jerinen ishinde salmaǵy 850 gramnan asatyn qatty áser etetin, quramynda «A-PVP» psihotropty zaty bar jeti túiinshek tabyldy.
Ol esirtkiniń salmaǵy - bir jarym keli nemese «sintetikanyń» 5 myńnan astam dozasy.
Olardyń «qara bazardaǵy» baǵasy bólshek saýdada aqshalai sanaǵanda 40 mln astam teńgeni quraityn edi.
Atalǵan fakti boiynsha QR Qylmystyq kodeksiniń 297-babynyń 3-bólimimen qylmystyq is qozǵaldy.
Ustalǵan er adam Nur-Sultan qalasy politsiia departamentiniń ýaqytsha oqshaýlaǵyshyna qamaldy. Tergeý amaldary júrgizilýde.
Qylmystyq isti tergeý aiasynda elordaǵa esirtki jetkizýge qatysy bar qylmystyq toptyń ózge qatysýshylaryn anyqtaý úshin jedel-izdestirý sharalary júrip jatyr.
