ەلوردا پوليتسەيلەرٸ «ديزاينەرلٸك» ەسٸرتكٸنٸ ساۋدالاۋدا كٷدٸكتٸ تانىلعان ەر ادامدى ۇستادى, دەپ حابارلايدى "ۇلت اقپارات" نۇر-سۇلتان قالاسى پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
ەلوردا اۋماعىندا سينتەتيكالىق ەسٸرتكٸنٸ جەتكٸزۋ ارناسىنىڭ جولىن كەسۋ ماقساتىندا قالالىق پوليتسييا دەپارتامەنتٸنٸڭ قىزمەتكەرلەرٸ جەدەل-ٸزدەۋ شارالارىن ٶتكٸزدٸ.
وسىلايشا, پوليتسەيلەر ارنايى ٸس-شارا بارىسىندا اسا ٸرٸ كٶلەمدەگٸ «ديزاينەرلٸك» ەسٸرتكٸنٸ ساۋدالاۋدا كٷدٸكتٸ دەپ تانىلعان 32 جاستاعى ەر ادامدى ۇستادى.
تەكسەرۋ كەزٸندە ودان 800 گرامعا جۋىق «سينتەتيكا» تابىلدى.
ەر ادام قولدان جاسالعان ەسٸرتكٸنٸ ەلٸمٸزدٸڭ تەمٸرتاۋ, اتىراۋ جەنە پاۆلودار سيياقتى باسقا ٶڭٸرلەرٸنە جولداماق بولعان.
بۇدان بٶلەك, ونىڭ تۇراتىن جەرٸنەن ٸشٸندە سالماعى 850 گرامنان اساتىن قاتتى ەسەر ەتەتٸن, قۇرامىندا «A-PVP» پسيحوتروپتى زاتى بار جەتٸ تٷيٸنشەك تابىلدى.
ول ەسٸرتكٸنٸڭ سالماعى - بٸر جارىم كەلٸ نەمەسە «سينتەتيكانىڭ» 5 مىڭنان استام دوزاسى.
ولاردىڭ «قارا بازارداعى» باعاسى بٶلشەك ساۋدادا اقشالاي ساناعاندا 40 ملن استام تەڭگەنٸ قۇرايتىن ەدٸ.
اتالعان فاكتٸ بويىنشا قر قىلمىستىق كودەكسٸنٸڭ 297-بابىنىڭ 3-بٶلٸمٸمەن قىلمىستىق ٸس قوزعالدى.
ۇستالعان ەر ادام نۇر-سۇلتان قالاسى پوليتسييا دەپارتامەنتٸنٸڭ ۋاقىتشا وقشاۋلاعىشىنا قامالدى. تەرگەۋ امالدارى جٷرگٸزٸلۋدە.
قىلمىستىق ٸستٸ تەرگەۋ اياسىندا ەلورداعا ەسٸرتكٸ جەتكٸزۋگە قاتىسى بار قىلمىستىق توپتىڭ ٶزگە قاتىسۋشىلارىن انىقتاۋ ٷشٸن جەدەل-ٸزدەستٸرۋ شارالارى جٷرٸپ جاتىر.
