Ulttyq qaýipsizdik komitetiniń qyzmetkerleri kóknárdiń elitalyq sortyn zańsyz ósirgen elorda turǵynyn ustady, dep habarlaidy "Ult aqparat" komitettiń baspasóz qyzmetine silteme jasap.
«14 mamyrda QR UQK Nur-Sultan qalasy boiynsha departamenti QR UQK Ortalyq apparatymen birlesip, quramynda esirtki zat bar ósimdikterdi «gidroponika» ádisimen zańsyz egip-ósirýge qatysy bar «A» degen azamatty ustady.
Tintý barysynda kóknárdiń (kannabis) elitalyq sortynyń túpteri (naryqtaǵy quny shamamen 4,5 mln teńge), aýa ylǵaldatqysh, arnaiy qyzdyrý shamdary, jeldetý júiesi, sondai-aq keptirilgen kannabis japyraqtary, elektrondyq tarazy men oraý materialy alyndy», delingen habarlamada.
Osy oqiǵa QR Qylmystyq kodeksiniń 300-baby 1-bóligi boiynsha biryńǵai sotqa deiingi tergeý tizilimine tirkeldi. Tárkilengen zattarǵa sot-himiialyq saraptama taǵaiyndaldy. Sotqa deiingi tergeý jalǵasýda.
