ۇلتتىق قاۋٸپسٸزدٸك كوميتەتٸنٸڭ قىزمەتكەرلەرٸ كٶكنەردٸڭ ەليتالىق سورتىن زاڭسىز ٶسٸرگەن ەلوردا تۇرعىنىن ۇستادى, دەپ حابارلايدى "ۇلت اقپارات" كوميتەتتٸڭ باسپاسٶز قىزمەتٸنە سٸلتەمە جاساپ.
«14 مامىردا قر ۇقك نۇر-سۇلتان قالاسى بويىنشا دەپارتامەنتٸ قر ۇقك ورتالىق اپپاراتىمەن بٸرلەسٸپ, قۇرامىندا ەسٸرتكٸ زات بار ٶسٸمدٸكتەردٸ «گيدروپونيكا» ەدٸسٸمەن زاڭسىز ەگٸپ-ٶسٸرۋگە قاتىسى بار «ا» دەگەن ازاماتتى ۇستادى.
تٸنتۋ بارىسىندا كٶكنەردٸڭ (كاننابيس) ەليتالىق سورتىنىڭ تٷپتەرٸ (نارىقتاعى قۇنى شامامەن 4,5 ملن تەڭگە), اۋا ىلعالداتقىش, ارنايى قىزدىرۋ شامدارى, جەلدەتۋ جٷيەسٸ, سونداي-اق كەپتٸرٸلگەن كاننابيس جاپىراقتارى, ەلەكتروندىق تارازى مەن وراۋ ماتەريالى الىندى», دەلٸنگەن حابارلامادا.
وسى وقيعا قر قىلمىستىق كودەكسٸنٸڭ 300-بابى 1-بٶلٸگٸ بويىنشا بٸرىڭعاي سوتقا دەيٸنگٸ تەرگەۋ تٸزٸلٸمٸنە تٸركەلدٸ. تەركٸلەنگەن زاتتارعا سوت-حيمييالىق ساراپتاما تاعايىندالدى. سوتقا دەيٸنگٸ تەرگەۋ جالعاسۋدا.
