Elordanyń politsiia qyzmetkerleri áleýmettik jeliniń tikelei efirinde sýitsid jasamaq bolǵan azamattyń ómirin aman alyp qaldy.
Nur-Sultan qalalyq politsiia departamentiniń málimetinshe, 25 qazan kúni shamamen 22:00-de Facebook áleýmettik jelisin qoldanýshylardyń biri belgisiz er adamnyń tikelei efirde kópirden sekireiin dep turǵanyn habarlaidy.
Osydan keiin tez arada jumysqa kirisken beinebaqylaý operatorlar sýitsid jasamaq bolǵan adamnyń Saraishyq kópirinde turǵanyn anyqtap, oqiǵa ornyna patrýldik politsiia ekipajyn jiberedi.
«Politsiia qyzmetkerleri kúizelisti jaǵdaida ári kópir taianyshynan tómen qarai sekirýge daiyn turǵan azamatty tapty. Politsiia qyzmetkerlerimen sóilesý barysynda ol taǵdyryna nalyp, áielimen ajyrasqanyn, balalaryn saǵynǵanyn aityp muńyn shaqty. Qyzmetker azamatpen sóilesýin jalǵastyra otyryp, ony sekirmeýge kóndirýge tyrysty. Politsiia qyzmetkeri oǵanjaqyn kelgen sátte qapsyra qushaqtap alyp, qaýipsiz jerge alyp shyqty. Ómirmen qosh aityspaq bolǵan 34 jastaǵy elorda turǵyny mán-jaidy anyqtaý úshin Esil aýdandyq politsiia basqarmasyna jetkizildi», - dep atap ótedi departamentten.
Azamattyń psihoemotsiialyq jaǵdaiyn turaqtandyrý úshin psihologtar jumys istedi. Kúizelis kezinde kásibi psihologiialyq kómek kórsetilgen.
