Elorda politsiiasy óz kóligin aidap áketýdi uiymdastyrǵan azamatty ustady, dep habarlaidy "Ult aqparat".
«102» kanalyna elorda turǵyny júginip, ótken jyly avtosalonnan kreditke alǵan «Toyota RAV 4» markaly qymbat kóligin belgisiz adamnyń aidap ketkeni jaiynda habarlady. Aidap áketý faktisi beinebaqylaý kamerasyna túsip qalǵan. Onda belgisiz adam «Jastar» saraiy mańyndaǵy turaqtan kólikti aidap áketip, qaladan tys shyǵyp ketken baiqalady. Jedel izdestirý is-sharasy barysynda 53 jastaǵy zardap shegýshiniń saqtandyrý tólemaqysyn alý jáne kredit tóleýden jaltarý maqsatynda mashinasyn aidap áketýdi uiymdastyrǵan. Qylmstyq josparyn aldyn ala oilastyrǵan ol bir tanysyna kólikti aidap áketkeni úshin aqshalai syiaqy berýge ýáde etken», - delingen Nur-Sultan qalalyq politsiia departamentiniń baspasóz qyzmetinen.
Kólikti aidap áketken adam ony Almaty oblysy aýmaǵynda belgisiz adamǵa satyp jibergen. Qazirgi ýaqytta kólikti aidap áketken adam ustalyp, jasaǵan áreketin moiyndap otyr. Al kóligin qasaqana urlatqan azamattyń ústinen jalǵan shaǵym jasaǵany úshin qylmystyq is qozǵaldy. Tergeý júrgizilip jatyr.
Osyǵan orai Nur-Sultan qalalyq politsiia departamenti qasaqana jalǵan shaǵym jasaý 7 jylǵa deiin bas bostandyǵyna aiyrý jazasyna tartylýǵa ákep soǵatyndyǵyn eskertedi.
