Elorda turǵyny kóliginiń kapotyna jarmasqan burynǵy áielin qala kóshelerimen súiretken, dep habarlaidy "Ult aqparat".
«KIA Cerato» kóliginiń kapotyna kelinshegin otyrǵyzyp, elorda kóshelerin kezgen qala turǵynyna qatysty ákimshilik is qozǵaldy.
Nur-Sultan qalalyq Politsiia departamentiniń málimetinshe, otbasylyq drama tún ortasynda Gete kóshesindegi vokzal mańyndaǵy alańnan bastalǵan. Kólikte sóilesip otyrǵan erli-zaiyptylardyń arasynda janal týyndaǵan.
Áieldiń aitýynsha, mashinadan shyqqan kezde salonda qujattarynyń qalyp qoiǵany esine túsken. Al kúieýi esikti ashpai, qozǵala bastaǵan. Sol sátte kelinshek kólik kapotyna sekirip, jatyp alǵan. Buǵan da qaramaǵan kúieýi júrisin jalǵastyryp, tipti jyldamdyq arttyra bastaǵan.
Kapotqa jabysqan áieldi kórgen ózge júrgizýshiler ony toqtatýǵa tyrysqanymen, «KIA Cerato» iesi jyldamdyqty tómendetpegen. Tipti, ózge kólikterdi basyp ozǵan. Alaida, basqa kólik ieleri oǵan tosqaýyl qoia bildi.
«Jedel basqarý ortalyǵy beinebaqylaý kamerasynyń kómegimen túngi qýǵyndy baiqap qalyp, oqiǵa ornyna avtopatrýl politsiiasynyń ekipajyn jiberdi. Oqiǵa ornyna jetken politsiia qyzmetkerleri júrgizýshi men áieldi politsiia basqarmasyna jetkizdi. Burynǵy erli-zaiyptylar ózara mán-jaidy anyqtaǵannan keiin, bir-birine talaptary bolmady. Áiel zardap shekken joq. Atalǵan fakti boiynsha «KIA Cerato» kóliginiń júrgizýshisine qatysty QR Ákimshilik quqyq buzýshylyq kodeksiniń 593-baby 1-bóligimen ákimshilik óndiris qozǵaldy«, - dep atap ótedi departamentten.
Nur-Sultan qalalyq PD basshylyǵy jolda qaiǵyly jaittyń oryn alýyna jol bermegen ózge júrgizýshilerge rizashylyǵyn bildirip otyr.
