16-20 qarasha aralyǵynda elorda aýmaǵynda «Dármeg» jedel-aldyn alý sharasynyń 3-kezeńi ótip jatyr. Bul týraly Nur-Sultan qalasy Politsiia departamentiniń baspasóz qyzmeti habarlady.
Jedel-aldyn alý sharasynyń aiasynda elorda aýmaǵynda esirtkilik zattar men psihikalyq belsendi zattardy satýmen ainalysatyn tulǵalardyń qyzmeti anyqtalýda.
Osylaisha, is-sharany júrgizýdiń alǵashqy kúninde, aǵymdaǵy jyldyń 16 qarashasynda Jeńis kóshesinde esirtki saýdalaǵany úshin elordanyń buryn sottalǵan 39 jastaǵy turǵyny ustaldy. Jeke tekserý kezinde onyń sómkesinen nasha salynǵan 13 polietilen paketi anyqtaldy. Al er adamnyń páterin tintý kezinde politseiler odan «nasha» salynǵan 3 polietilen paketi men býyp-túiilip, saýdalaýǵa daiyndap qoiǵan esirtki túiinshegin anyqtady.
Arnaiy is-qimyldar nátijesinde zańsyz ainalymnan 20 kelige jýyq esirtki alyndy. «Qara naryqta» bólshek saýdada onyń quny aqshalai ekvivalentte 30 mln-nan astam teńgeni quraityn edi.
Elorda aýmaǵynda esirtki jetkizýge jáne saýdalaýǵa qatysy bar qylmystyq tizbektiń basqa da qatysýshylaryn anyqtaý boiynsha izdeý sharalary ótkizilýde.
QR Qylmystyq kodeksiniń 296-babynyń 4-bólimi (Asa iri kólemde esirtki zattaryn zańsyz saqtaý), 297-baptyń 3-bólimi (Asa iri kólemde esirtki zattaryn satý) jáne 287-baptyń 2-bólimi (Qarý-jaraq pen oq-dárilerdi zańsyz satyp alý jáne saqtaý) boiynsha qylmystyq is qozǵaldy. Bul baptar 10 jyldan 25 jylǵa deiin bas bostandyǵynan aiyrý jazasyn qarastyrady.
Ustalǵan er adam Nur-Sultan qalasy Politsiia departamentiniń ýaqytsha oqshaýlaǵyshyna qamaldy. Tergeý amaldary júrgizilýde.
