16-20 قاراشا ارالىعىندا ەلوردا اۋماعىندا «دەرمەگ» جەدەل-الدىن الۋ شاراسىنىڭ 3-كەزەڭٸ ٶتٸپ جاتىر. بۇل تۋرالى نۇر-سۇلتان قالاسى پوليتسييا دەپارتامەنتٸنٸڭ باسپاسٶز قىزمەتٸ حابارلادى.
جەدەل-الدىن الۋ شاراسىنىڭ اياسىندا ەلوردا اۋماعىندا ەسٸرتكٸلٸك زاتتار مەن پسيحيكالىق بەلسەندٸ زاتتاردى ساتۋمەن اينالىساتىن تۇلعالاردىڭ قىزمەتٸ انىقتالۋدا.
وسىلايشا, ٸس-شارانى جٷرگٸزۋدٸڭ العاشقى كٷنٸندە, اعىمداعى جىلدىڭ 16 قاراشاسىندا جەڭٸس كٶشەسٸندە ەسٸرتكٸ ساۋدالاعانى ٷشٸن ەلوردانىڭ بۇرىن سوتتالعان 39 جاستاعى تۇرعىنى ۇستالدى. جەكە تەكسەرۋ كەزٸندە ونىڭ سٶمكەسٸنەن ناشا سالىنعان 13 پوليەتيلەن پاكەتٸ انىقتالدى. ال ەر ادامنىڭ پەتەرٸن تٸنتۋ كەزٸندە پوليتسەيلەر ودان «ناشا» سالىنعان 3 پوليەتيلەن پاكەتٸ مەن بۋىپ-تٷيٸلٸپ, ساۋدالاۋعا دايىنداپ قويعان ەسٸرتكٸ تٷيٸنشەگٸن انىقتادى.
ارنايى ٸس-قيمىلدار نەتيجەسٸندە زاڭسىز اينالىمنان 20 كەلٸگە جۋىق ەسٸرتكٸ الىندى. «قارا نارىقتا» بٶلشەك ساۋدادا ونىڭ قۇنى اقشالاي ەكۆيۆالەنتتە 30 ملن-نان استام تەڭگەنٸ قۇرايتىن ەدٸ.
ەلوردا اۋماعىندا ەسٸرتكٸ جەتكٸزۋگە جەنە ساۋدالاۋعا قاتىسى بار قىلمىستىق تٸزبەكتٸڭ باسقا دا قاتىسۋشىلارىن انىقتاۋ بويىنشا ٸزدەۋ شارالارى ٶتكٸزٸلۋدە.
قر قىلمىستىق كودەكسٸنٸڭ 296-بابىنىڭ 4-بٶلٸمٸ (اسا ٸرٸ كٶلەمدە ەسٸرتكٸ زاتتارىن زاڭسىز ساقتاۋ), 297-باپتىڭ 3-بٶلٸمٸ (اسا ٸرٸ كٶلەمدە ەسٸرتكٸ زاتتارىن ساتۋ) جەنە 287-باپتىڭ 2-بٶلٸمٸ (قارۋ-جاراق پەن وق-دەرٸلەردٸ زاڭسىز ساتىپ الۋ جەنە ساقتاۋ) بويىنشا قىلمىستىق ٸس قوزعالدى. بۇل باپتار 10 جىلدان 25 جىلعا دەيٸن باس بوستاندىعىنان ايىرۋ جازاسىن قاراستىرادى.
ۇستالعان ەر ادام نۇر-سۇلتان قالاسى پوليتسييا دەپارتامەنتٸنٸڭ ۋاقىتشا وقشاۋلاعىشىنا قامالدى. تەرگەۋ امالدارى جٷرگٸزٸلۋدە.
