Elordalyq bilim basqarmasynyń baspasóz qyzmeti jańa oqý jylyna daiyndyq qalai júrip jatqanyn aitty. Barlyq bilim berý uiymdarynda «Ashyq» júiesi ornatylady, dep habarlaidy "Ult aqparat".
«Memleket basshysynyń tapsyrmasy boiynsha 2021-2022 oqý jylyn dástúrli formatta bastaý josparlanýda. Ol úshin qala mektepterinde oqýshylar men muǵalimderdiń qaýipsizdigi men densaýlyǵynyń saqtalýyn qamtamasyz etý boiynsha keshendi sharalar júrgiziledi. Qaladaǵy epidemiologiialyq jaǵdaiǵa bailanysty barlyq bilim berý uiymdary Nur-Sultan qalasynyń bas sanitarlyq dárigeriniń qaýlysyna sáikes jumys isteidi», - dep habarlady qalalyq bilim basqarmasy.
Jańa oqý jyly qarsańynda barlyq oqý uiymdarynda «Ashyq» júiesi ornatylady.
«Bul shara oqý protsesin karantindik shekteý kezinde bilim berý nysandarynyń jumysyn dástúrli formatta jalǵastyrýyna múmkindik beredi», - deidi bilim basqarmasy.
