Iesiz gidrotehnikalyq nysandar máselesi erekshe nazar aýdarýdy talap etedi. Bul týraly Senattyń jalpy otyrysynda QR Tótenshe jaǵdailar ministri Iýrii Ilin málim etti, dep habarlaidy QazAqparat.
«Sonymen qatar, gidrotehnikalyq qurylystardy ýaqtyly jóndeý jáne salý qajet. Salynǵan Kóksarai jáne Astana sý rettegishi eldi mekenderdi qorǵaý men sý jinaý boiynsha óz tiimdiligin kórsetti. Óz kezeginde iesiz gidrotehnikalyq qurylystar (25) erekshe nazar aýdarýdy talap etedi. Gidrotehnikalyq qurylystardyń tehnikalyq jai-kúiin baqylaý jónindegi ýákiletti organ Ekologiia, geologiia jáne tabiǵi resýrstar ministrligi bolyp otyr. Olar «Jasyl Qazaqstan» ulttyq jobasy aiasynda eldiń sý obektilerin damytý jáne saqtaý boiynsha jumys júrgizedi», - dedi Iýrii Ilin.
Onyń aitýynsha, apatty ári retsiz qurylystyń jalǵasyp jatqan praktikasy jáne eldi mekenderdiń, mysaly, Aqmola oblysynyń Qoiandy men Talapker aýyldarynyń drenajdyq-aryq júielerimen tolyq qamtamasyz etilmeýi olardyń kósheleri boiynda erigen qar sýyn ótkizý múmkindigine teris áser etedi.
«Nátijesinde, Tótenshe jaǵdailar ministrligi erigen qar jáne jańbyr sýlaryn shyǵarý úshin órt sóndirý mashinalary men motopompalardy jumyldyrýǵa májbúr bolady, bul olardyń tehnikalyq jai-kúiine jáne órt sóndirýge daiyndyǵyna teris áser etedi», - dedi ministr.
