يەسٸز گيدروتەحنيكالىق نىساندار مەسەلەسٸ ەرەكشە نازار اۋدارۋدى تالاپ ەتەدٸ. بۇل تۋرالى سەناتتىڭ جالپى وتىرىسىندا قر تٶتەنشە جاعدايلار مينيسترٸ يۋريي يلين مەلٸم ەتتٸ, دەپ حابارلايدى قازاقپارات.
«سونىمەن قاتار, گيدروتەحنيكالىق قۇرىلىستاردى ۋاقتىلى جٶندەۋ جەنە سالۋ قاجەت. سالىنعان كٶكساراي جەنە استانا سۋ رەتتەگٸشٸ ەلدٸ مەكەندەردٸ قورعاۋ مەن سۋ جيناۋ بويىنشا ٶز تيٸمدٸلٸگٸن كٶرسەتتٸ. ٶز كەزەگٸندە يەسٸز گيدروتەحنيكالىق قۇرىلىستار (25) ەرەكشە نازار اۋدارۋدى تالاپ ەتەدٸ. گيدروتەحنيكالىق قۇرىلىستاردىڭ تەحنيكالىق جاي-كٷيٸن باقىلاۋ جٶنٸندەگٸ ۋەكٸلەتتٸ ورگان ەكولوگييا, گەولوگييا جەنە تابيعي رەسۋرستار مينيسترلٸگٸ بولىپ وتىر. ولار «جاسىل قازاقستان» ۇلتتىق جوباسى اياسىندا ەلدٸڭ سۋ وبەكتٸلەرٸن دامىتۋ جەنە ساقتاۋ بويىنشا جۇمىس جٷرگٸزەدٸ», - دەدٸ يۋريي يلين.
ونىڭ ايتۋىنشا, اپاتتى ەرٸ رەتسٸز قۇرىلىستىڭ جالعاسىپ جاتقان پراكتيكاسى جەنە ەلدٸ مەكەندەردٸڭ, مىسالى, اقمولا وبلىسىنىڭ قوياندى مەن تالاپكەر اۋىلدارىنىڭ درەناجدىق-ارىق جٷيەلەرٸمەن تولىق قامتاماسىز ەتٸلمەۋٸ ولاردىڭ كٶشەلەرٸ بويىندا ەرٸگەن قار سۋىن ٶتكٸزۋ مٷمكٸندٸگٸنە تەرٸس ەسەر ەتەدٸ.
«نەتيجەسٸندە, تٶتەنشە جاعدايلار مينيسترلٸگٸ ەرٸگەن قار جەنە جاڭبىر سۋلارىن شىعارۋ ٷشٸن ٶرت سٶندٸرۋ ماشينالارى مەن موتوپومپالاردى جۇمىلدىرۋعا مەجبٷر بولادى, بۇل ولاردىڭ تەحنيكالىق جاي-كٷيٸنە جەنە ٶرت سٶندٸرۋگە دايىندىعىنا تەرٸس ەسەر ەتەدٸ», - دەدٸ مينيستر.
