Elordadaǵy 30-dan astam kóshe men 3 alleiaǵa tanymal qazaq tulǵalarynyń esimi berilýi múmkin. Bul týraly qalalyq máslihattyń qaýlysy ashyq talqyǵa shyǵaryldy, dep habarlaidy QazAqparat.
«Almaty aýdanynda ornalasqan A24 kóshesi – Oral Muhamedjanov, A40 kóshesi – Nurlan Balǵymbaev, A62 kóshesi – Safýan Shaimerdenov, Nurly jol kóshesiniń № 37 úiden № 26 úige deiin jalǵasqan bóligi – Bozoq, Mustafa Shoqai kóshesiniń № 2 úiden № 10 úige deiin jalǵasqan bóligi – Botai, Mustafa Shoqai kóshesiniń № 20A úiden № 33/2 úige deiin jalǵasqan bóligi – Túimekent, Bastóbe kóshesiniń № 23 úiden № 37 úige deiin jalǵasqan bóligi – Jarqudyq, Georgii Igishev kóshesiniń № 2 úiden № 16/3 úige deiin jalǵasqan bóligi – Aqjal, Birlik kóshesiniń № 2/1 úiden № 30/1 úige deiin jalǵasqan bóligi – Alshaly, Imanaq kóshesiniń № 13 úiden № 7B úige deiin jalǵasqan bóligi – Jaltyr kóshesi dep atalsyn.
Al, Esil aýdanynyń aýmaǵyndaǵy № 202 kóshesine – Nurken Ábdirov, E103 kóshesine – Oljabai batyr, E111 kóshesine – Sherhan Murtaza, E324 kóshesine – Dúkenbai Dosjan, E325 kóshesine – Erkeǵali Rahmadiev, E357 kóshesine – Aleksandr Syzǵanov, E486 kóshesine – Erkin Áýelbekov, E576 kóshesine – Qanai bi, E577 kóshesine – Hamza Esenjanov, E578 kóshesine – Bopai hanym, E579 kóshesine – Qaireden Qarbaev, E580 kóshesine – Sabyr Niiazbekov, E582 kóshesine – Bertis bi, E607 kóshesine – Quman Tastanbekov, E608 kóshesine – Sholpan Jandarbekova, E757 kóshesine – Aqseleý Seidimbek, E758 kóshesine – sheih Halifa ben Zaid ál-Nahaian, E889 kóshesine – Barlybek Syrttanuly, E890 kóshesine – Ermuhan Bekmahanov, E898 kóshesine – Tursynbek Kákishev ataýy berilsin.
Saryarqa aýdanyna qarasty № 20-40 kóshege – Sábit Muqanov esimi berilsin», - delingen qaýlyda.
Sonymen qatar, máslihat usynysy boiynsha Dina Nurpeiisovanyń eskertkishi janynda ornalasqan alleiaǵa – «Qazaq eliniń kúishileri men kúishi-kompozitorlary alleiasy» degen ataý berilmek.
Al, Syrtqy ister ministrligi ǵimaratynyń aldynda ornalasqan alleiany – «Názir Tórequlov atyndaǵy diplomattar alleiasy» dep ataý usynylyp otyr.
«Saltanat Saraiy» kesheni men «The St. Regis Astana» qonaqúii arasynda ornalasqan skver endi «Ulybritaniia jáne Soltústik Irlandiia Birikken Koroldiginiń patshaiymy II Elizaveta atyndaǵy skver» dep atalýy múmkin.
Kósheler men alleialarǵa ataý berý týraly máslihat qaýlysy 10 kúnnen soń kúshine enedi.
