Elordany damytýdyń Bas josparyna túzetýler pysyqtalyp jatyr. Bul týraly elorda máslihatynyń kezekten tys sessiiasynda qala ákimi Altai Kólginov aitty, dep habarlaidy QazAqparat.
«Qala turǵyndarynyń sany jyl saiyn artyp keledi, iaǵni jylda 55-60 myń qosylady. Eger 2010 jyly 650 myńǵa jýyq turǵyn bolsa, byltyrǵy jáne biylǵy kórsetkishter boiynsha 1 mln 200 myń adam. 2010 jyly Bas jospardy qabyldaǵan kezde 2030 jyly jetemiz degen jospar bolǵan. Al ony biz 10 jyl buryn jetip qoidyq», - dedi Altai Kólginov.
Onyń aitýynsha, aldaǵy ýaqytta turǵyndar sanynyń 2 mln-ǵa jetýi múmkin ekenin eskere otyryp, salynatyn turǵyn úiler, injenerlik jeliler, mektepter jáne basqa da máseleler boiynsha tiisti sheshimder qabyldaý kerek.
«Biz qazir Bas josparǵa túzetýlerdi eskerip otyrmyz. 2030 jyly turǵyndar sany 2 mln-ǵa jetip qalady degen esepteýler bar», - dedi qala ákimi.
