Elorda halqy 2030 jylǵa qarai 2 mln adamǵa jetedi. Bul týraly qala basshysy Altai Kólginov Nur-Sultan qalalyq máslihatynyń kezekten tys sessiiasynda aitty, dep habarlaidy QazAqparat.
«Barlyǵymyzdyń aldymyzda turǵan birneshe máselege nazar aýdartqym keledi. Árine, birinshi kezekte ol – Nur Otan pariiasynyń jol kartasy. Ol turǵyndarymyzdyń naqty problemalaryn sheshýge baǵyttalǵan. Ony biz sailaýda jariia etip, bekitken edik», - dedi Altai Kólginov.
Qala ákimi elordanyń qarqyndy damyp, halyq sanyda turaqty artyp kele jatqandyǵyn airyqsha atap ótti.
«Osydan 10 jyl buryn turǵyn sany 600 myń adamnan sál ǵana asatyn. Qazir 1,2 mln adamǵa jetip otyr. Boljamǵa sáikes, 2030 jylǵa qarai qala turǵyndarynyń sany 2 mln adamǵa jetedi. Iaǵni, ýrbanizatsiia protsesine tosqaýyl qoia almaimyz. Bul álemdik trend jáne qalamyz da ony bastan keshirip jatyr. Al halyq sanynyń artýy áleýmettik infraqurylymǵa, joldarǵa, injerelik jelilerge, turǵyn úige, mektepter men balabaqshalarǵa, biznes nysandaryna, jumys oryndaryna júktemeni ulǵaitatyndyǵy anyq», - dedi elorda basshysy.
