QR Premer-Ministri Asqar Maminniń tóraǵalyǵymen Nur-Sultan qalasynyń jańa ortalyǵyn salý barysyn baqylaý jónindegi memlekettik komissiianyń otyrysy ótti. Bul týraly primeminister.kz saityna habarlaidy.
Nur-Sultan qalasynyń 2019-2023 jyldarǵa arnalǵan jinaqy qurylysy jónindegi keshendi jospardy iske asyrý týraly qala ákimi A. Kólginov, turǵyn úi qurylysy, injenerlik jáne jol-kólik infraqurylymyn damytý týraly indýstriia jáne infraqurylymdyq damý ministri B. Atamqulov, elordany gazdandyrý týraly energetika ministri N. Noǵaev, mektepter qurylysy týraly bilim jáne ǵylym ministri A. Aimaǵambetov, halyqty sýmen qamtamasyz etý jaǵdaiy týraly ekologiia, geologiia jáne tabiǵi resýrstar ministri M. Myrzaǵaliev, sondai-aq jumystyń beiindi baǵyttary boiynsha ortalyq memlekettik organdardyń basshylary baiandama jasady.
Nur-Sultan qalasynda jinaqy qurylys salý jónindegi 2019-2023 jyldarǵa arnalǵan keshendi jospar 23 is-sharadan jáne 543 jobadan turady. Biyl qalany gazdandyrýdyń I kezegin iske asyrý jumystary jalǵasady, atap aitsaq, «Kóktal», «Jeleznodorojnyi», «Promyshlennyi» jáne «Ońtústik-Shyǵys» turǵyn úi alaptary, JEO-1, 2 rekonstrýktsiialaý jáne JEO-3 qurylysy. Uzyndyǵy 15,1 shaqyrym bolatyn avtojoldardy, uzyndyǵy 84 shaqyrym injenerlik-kommýnikatsiialyq infraqurylymdy – elektrmen, jylýmen, sýmen jabdyqtaý, sý tartý jáne nóserlik káriz júiesi jelilerin salý jáne rekonstrýktsiialaý jumystary aiaqtalady. Turǵyn úi alaptaryn damytý baǵdarlamasy boiynsha – abattandyrý, mektepter, emhanalar salý jáne t. b. jobalar iske asyrylady.
Búginde qalada 3 mln-nan astam m2 turǵyn úi salynyp jatyr. Jyl basynan beri 637 myń m2 paidalanýǵa berildi. Biyl 10 myń orynǵa shaqtalǵan 13 memlekettik mekteptiń qurylysyn aiaqtaý, sondai-aq 2021-2022 jyldary paidalanýǵa berýdi kózdeýmen 20 myń orynǵa shaqtalǵan 19 mekteptiń jobalyq-smetalyq qujattamasyn ázirleý josparlanǵan. Qosymsha 20 myń orynǵa shaqtalǵan 10 mektep MJÁ tetigi boiynsha salynady. Qurylystardy biyl tamyz aiynda bastaý josparlanǵan, mektepter 2021 jyldyń 1 qyrkúiegine deiin paidalanýǵa beriledi.
Otyrysqa qatysýshylar turǵyn úidiń qoljetimdiligin arttyrý, áleýmettik nysandar qurylysy, kólik infraqurylymyn damytý, magistraldy, oramishilik jáne aýlaishilik joldardyń jaǵdaiyn jaqsartý, qoǵamdyq qaýipsizdikti qamtamasyz etý, kóshelerdi, skverlerdi jáne basqa da jalpy qoldanystaǵy oryndardy jaryqtandyrý, kommýnaldyq qyzmetter usynatyn qyzmetterdiń sapasyn arttyrý, sondai-aq tóńirekti damytý sekildi júieli máselelerdi qarastyrdy.
Premer-Ministr qurylystardyń josparlanǵan kólemin qamtamasyz etýge, turǵyn úi, mektep jáne basqa da áleýmettik nysandardy paidalanýǵa berýge, sondai-aq qalanyń sýmen qamtý jáne abattandyrý problemalaryn sheshý qajettigine basa nazar aýdartty.
«Elorda qurylysy – Qazaqstannyń Tuńǵysh Prezidenti – Elbasy Nursultan Ábishuly Nazarbaev júzege asyrǵan tarihi joba. Memleket basshysy Qasym-Jomart Kemeluly Toqaev aldymyzǵa elordany damytý jóninde birqatar naqty mindetter qoidy. Endi bizdiń basty mindetimiz – qalanyń turaqty damýyn qamtamasyz etý, onyń infraqurylymyn, syrtqy kelbetin jaqsartý. Elorda ómir súrý sapasynyń deńgeii boiynsha barlyq óńirge úlgi bolýy tiis» , — dedi A. Mamin.
