قر پرەمەر-مينيسترٸ اسقار ماميننٸڭ تٶراعالىعىمەن نۇر-سۇلتان قالاسىنىڭ جاڭا ورتالىعىن سالۋ بارىسىن باقىلاۋ جٶنٸندەگٸ مەملەكەتتٸك كوميسسييانىڭ وتىرىسى ٶتتٸ. بۇل تۋرالى primeminister.kz سايتىنا حابارلايدى.
نۇر-سۇلتان قالاسىنىڭ 2019-2023 جىلدارعا ارنالعان جيناقى قۇرىلىسى جٶنٸندەگٸ كەشەندٸ جوسپاردى ٸسكە اسىرۋ تۋرالى قالا ەكٸمٸ ا. كٶلگٸنوۆ, تۇرعىن ٷي قۇرىلىسى, ينجەنەرلٸك جەنە جول-كٶلٸك ينفراقۇرىلىمىن دامىتۋ تۋرالى يندۋسترييا جەنە ينفراقۇرىلىمدىق دامۋ مينيسترٸ ب. اتامقۇلوۆ, ەلوردانى گازداندىرۋ تۋرالى ەنەرگەتيكا مينيسترٸ ن. نوعاەۆ, مەكتەپتەر قۇرىلىسى تۋرالى بٸلٸم جەنە عىلىم مينيسترٸ ا. ايماعامبەتوۆ, حالىقتى سۋمەن قامتاماسىز ەتۋ جاعدايى تۋرالى ەكولوگييا, گەولوگييا جەنە تابيعي رەسۋرستار مينيسترٸ م. مىرزاعاليەۆ, سونداي-اق جۇمىستىڭ بەيٸندٸ باعىتتارى بويىنشا ورتالىق مەملەكەتتٸك ورگانداردىڭ باسشىلارى بايانداما جاسادى.
نۇر-سۇلتان قالاسىندا جيناقى قۇرىلىس سالۋ جٶنٸندەگٸ 2019-2023 جىلدارعا ارنالعان كەشەندٸ جوسپار 23 ٸس-شارادان جەنە 543 جوبادان تۇرادى. بيىل قالانى گازداندىرۋدىڭ ٸ كەزەگٸن ٸسكە اسىرۋ جۇمىستارى جالعاسادى, اتاپ ايتساق, «كٶكتال», «جەلەزنودوروجنىي», «پرومىشلەننىي» جەنە «وڭتٷستٸك-شىعىس» تۇرعىن ٷي الاپتارى, جەو-1, 2 رەكونسترۋكتسييالاۋ جەنە جەو-3 قۇرىلىسى. ۇزىندىعى 15,1 شاقىرىم بولاتىن اۆتوجولداردى, ۇزىندىعى 84 شاقىرىم ينجەنەرلٸك-كوممۋنيكاتسييالىق ينفراقۇرىلىمدى – ەلەكترمەن, جىلۋمەن, سۋمەن جابدىقتاۋ, سۋ تارتۋ جەنە نٶسەرلٸك كەرٸز جٷيەسٸ جەلٸلەرٸن سالۋ جەنە رەكونسترۋكتسييالاۋ جۇمىستارى اياقتالادى. تۇرعىن ٷي الاپتارىن دامىتۋ باعدارلاماسى بويىنشا – اباتتاندىرۋ, مەكتەپتەر, ەمحانالار سالۋ جەنە ت. ب. جوبالار ٸسكە اسىرىلادى.
بٷگٸندە قالادا 3 ملن-نان استام م2 تۇرعىن ٷي سالىنىپ جاتىر. جىل باسىنان بەرٸ 637 مىڭ م2 پايدالانۋعا بەرٸلدٸ. بيىل 10 مىڭ ورىنعا شاقتالعان 13 مەملەكەتتٸك مەكتەپتٸڭ قۇرىلىسىن اياقتاۋ, سونداي-اق 2021-2022 جىلدارى پايدالانۋعا بەرۋدٸ كٶزدەۋمەن 20 مىڭ ورىنعا شاقتالعان 19 مەكتەپتٸڭ جوبالىق-سمەتالىق قۇجاتتاماسىن ەزٸرلەۋ جوسپارلانعان. قوسىمشا 20 مىڭ ورىنعا شاقتالعان 10 مەكتەپ مجە تەتٸگٸ بويىنشا سالىنادى. قۇرىلىستاردى بيىل تامىز ايىندا باستاۋ جوسپارلانعان, مەكتەپتەر 2021 جىلدىڭ 1 قىركٷيەگٸنە دەيٸن پايدالانۋعا بەرٸلەدٸ.
وتىرىسقا قاتىسۋشىلار تۇرعىن ٷيدٸڭ قولجەتٸمدٸلٸگٸن ارتتىرۋ, ەلەۋمەتتٸك نىساندار قۇرىلىسى, كٶلٸك ينفراقۇرىلىمىن دامىتۋ, ماگيسترالدى, ورامٸشٸلٸك جەنە اۋلاٸشٸلٸك جولداردىڭ جاعدايىن جاقسارتۋ, قوعامدىق قاۋٸپسٸزدٸكتٸ قامتاماسىز ەتۋ, كٶشەلەردٸ, سكۆەرلەردٸ جەنە باسقا دا جالپى قولدانىستاعى ورىنداردى جارىقتاندىرۋ, كوممۋنالدىق قىزمەتتەر ۇسىناتىن قىزمەتتەردٸڭ ساپاسىن ارتتىرۋ, سونداي-اق تٶڭٸرەكتٸ دامىتۋ سەكٸلدٸ جٷيەلٸ مەسەلەلەردٸ قاراستىردى.
پرەمەر-مينيستر قۇرىلىستاردىڭ جوسپارلانعان كٶلەمٸن قامتاماسىز ەتۋگە, تۇرعىن ٷي, مەكتەپ جەنە باسقا دا ەلەۋمەتتٸك نىسانداردى پايدالانۋعا بەرۋگە, سونداي-اق قالانىڭ سۋمەن قامتۋ جەنە اباتتاندىرۋ پروبلەمالارىن شەشۋ قاجەتتٸگٸنە باسا نازار اۋدارتتى.
«ەلوردا قۇرىلىسى – قازاقستاننىڭ تۇڭعىش پرەزيدەنتٸ – ەلباسى نۇرسۇلتان ەبٸشۇلى نازارباەۆ جٷزەگە اسىرعان تاريحي جوبا. مەملەكەت باسشىسى قاسىم-جومارت كەمەلۇلى توقاەۆ الدىمىزعا ەلوردانى دامىتۋ جٶنٸندە بٸرقاتار ناقتى مٸندەتتەر قويدى. ەندٸ بٸزدٸڭ باستى مٸندەتٸمٸز – قالانىڭ تۇراقتى دامۋىن قامتاماسىز ەتۋ, ونىڭ ينفراقۇرىلىمىن, سىرتقى كەلبەتٸن جاقسارتۋ. ەلوردا ٶمٸر سٷرۋ ساپاسىنىڭ دەڭگەيٸ بويىنشا بارلىق ٶڭٸرگە ٷلگٸ بولۋى تيٸس» , — دەدٸ ا. مامين.
