Nursultan Nazarbaev halyqaralyq áýejaiynyń ǵimaratynda PTR test tapsyrý ortalyǵy ashyldy, dep habarlaidy áýejaidyń baspasóz qyzmeti.
«Endi elorda áýejaiynyń jolaýshylary men qonaqtary GrinLab testileý ortalyǵynda PTR jáne IFA ádisteri arqyly koronavirýs COVID-19 infektsiiasyna testileýden óte alady.
PTR testileýdiń quny 9 000 teńgeden bastalady. Synama jutqynshaq pen murynnan alynady jáne nátijesi elektrondy poshtaǵa orys nemese aǵylshyn tilinde jiberiledi. Nátijeni 12 saǵattyń ishinde alýǵa bolady», delingen habarlamada.
IFA ádisimen antidenege ekspress test jasatý quny – 6 500 teńge, zertteý kezinde IgM jáne IgG synyptarynyń antidenesin anyqtaý úshin qyltamyrdan qan alynady, nátijesi 15 minýttiń ishinde daiyn bolady.
Antigenge ekspress test jasatý quny – 8 500 teńge, IgA antigenin anyqtaý úshin muryn-jutqynshaqtan synama alynady, nátije nátijesi 15 minýttyń ishinde ázir bolady.
Ortalyq Nursultan Nazarbaev halyqaralyq áýejaiynyń ǵimaraty sol qanatynyń ekinshi qabatynda, ishki reister terminalynda ornalasqan.
