Elorda ákiminiń orynbasary Bahtiiar Máken qaramaǵyndaǵy qyzmetkerdiń jemqorlyq áreketi úshin jazalandy, dep habarlaidy "Ult aqparat" ákimdikke silteme jasap.
«QR memlekettik qyzmet týraly» zańyna sáikes mádeniet basqarmasynyń eks-basshysyna qatysty sot sheshimi shyqqannan keiin osy salany basqaratyn ákimniń orynbasary B. Máken otstavkaǵa ketýi tiis. Ákimdiktiń áleýmettik mańyzy bar bilim, din, jastar saiasaty, áleýmettik az qamtylǵan turǵyndarmen jumys jasaityn salaǵa basshylyq jasaityn B. Makenniń jetekshiligimen kóptegen mańyzdy jumystar atqaryldy. Atap aitqanda, qalada úsh aýysymda oqityn mektep sany eki esege qysqardy. Pandemiia kezinde qysqa merzimde qurylǵan Jedel shtabtyń jumysy nátijesinde 43 myńnan asa adam áleýmettik kómek aldy... Osy jaǵdai eskerile otyryp B. Mákenniń otstavkasy qabyldanbady. Alaida oǵan qatań sógis jariialandy», - delingen ákimdik habarlamasynda.
Eske salsaq, Nur-Sultan qalasy Mádeniet jáne sport basqarmasynyń basshysy ótken jyly maýsym aiynda qamaýǵa alynǵan bolatyn.
Ol «Naýryz meiramy-2020» merekesin toilaýǵa orai jalpy somasy 195 million teńgege is-sharalar ótkizý boiynsha qyzmetter kórsetýge arnalǵan memlekettik satyp alý týraly jasalǵan kelisimshart boiynsha qamqorlyq kórsetý úshin 10 million teńge kóleminde para aldy degen kúdikke ilindi.
