Elorda ákiminiń orynbasary Baqtiiar Máken memlekettik jalpy bilim berý mekemelerindegi bos aýmaqtardy ońtailandyrý qajettigin aitty, dep habarlaidy "Ult aqparat".
«Qazirgi ýaqytta Nur-Sultanda 109 mektep jumys isteidi, onyń 88-i jalpy bilim beretin memlekettik mektepter. Erejege sáikes, mektep direktory kabinetiniń aýmaǵy 32 sharshy metr bolýy tiis. Alaida, kei mektepterdi teksergende, bul normativti eki esege asyryp jibergeni belgili boldy. Úsh mektepke arnaiy komissiia baryp, osy faktilerdi anyqtady. Odan bólek, basshylar aýqymdy oryn alatyn demalý bólmesi men jeke dárethana jasap qoiǵan», - dedi B. Máken QR Sybailas jemqorlyqqa qarsy is-qimyl agenttiginiń tóraǵasy Alik Shpekbaev pen qala ákimi Altai Kólginovtyń kezdesýinde.
Spiker elordada halyqtyń jyldan-jylǵa artyp, bilim berý mekemelerinde oryn jetpei jatqanyn atap ótti.
«Halyqaralyq tájiribege súiensek, direktorlar kabineti 20 sharshy metrden aspaidy. Atap aitqanda, Birikken Arab Ámirlikterinde 20 sharshy metr, Amerika Qurama Shtattarynda – 15 sharshy metrden aspaidy. Osyǵan bailanysty, barlyq jalpy bilim beretin memlekettik mektepterdiń bos aýmaqtaryn ońtailandyrý qajettigi týyndaidy. Bosaǵan oryndar oqýshylarǵa qolailyraq jaǵdai jasaýǵa múmkindik beredi», - dedi ákimniń orynbasary.
