ەلوردا ەكٸمٸنٸڭ ورىنباسارى باقتييار مەكەن مەملەكەتتٸك جالپى بٸلٸم بەرۋ مەكەمەلەرٸندەگٸ بوس اۋماقتاردى وڭتايلاندىرۋ قاجەتتٸگٸن ايتتى, دەپ حابارلايدى "ۇلت اقپارات".
«قازٸرگٸ ۋاقىتتا نۇر-سۇلتاندا 109 مەكتەپ جۇمىس ٸستەيدٸ, ونىڭ 88-ٸ جالپى بٸلٸم بەرەتٸن مەملەكەتتٸك مەكتەپتەر. ەرەجەگە سەيكەس, مەكتەپ ديرەكتورى كابينەتٸنٸڭ اۋماعى 32 شارشى مەتر بولۋى تيٸس. الايدا, كەي مەكتەپتەردٸ تەكسەرگەندە, بۇل نورماتيۆتٸ ەكٸ ەسەگە اسىرىپ جٸبەرگەنٸ بەلگٸلٸ بولدى. ٷش مەكتەپكە ارنايى كوميسسييا بارىپ, وسى فاكتٸلەردٸ انىقتادى. ودان بٶلەك, باسشىلار اۋقىمدى ورىن الاتىن دەمالۋ بٶلمەسٸ مەن جەكە دەرەتحانا جاساپ قويعان», - دەدٸ ب. مەكەن قر سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اليك شپەكباەۆ پەن قالا ەكٸمٸ التاي كٶلگٸنوۆتىڭ كەزدەسۋٸندە.
سپيكەر ەلوردادا حالىقتىڭ جىلدان-جىلعا ارتىپ, بٸلٸم بەرۋ مەكەمەلەرٸندە ورىن جەتپەي جاتقانىن اتاپ ٶتتٸ.
«حالىقارالىق تەجٸريبەگە سٷيەنسەك, ديرەكتورلار كابينەتٸ 20 شارشى مەتردەن اسپايدى. اتاپ ايتقاندا, بٸرٸككەن اراب ەمٸرلٸكتەرٸندە 20 شارشى مەتر, امەريكا قۇراما شتاتتارىندا – 15 شارشى مەتردەن اسپايدى. وسىعان بايلانىستى, بارلىق جالپى بٸلٸم بەرەتٸن مەملەكەتتٸك مەكتەپتەردٸڭ بوس اۋماقتارىن وڭتايلاندىرۋ قاجەتتٸگٸ تۋىندايدى. بوساعان ورىندار وقۋشىلارعا قولايلىراق جاعداي جاساۋعا مٷمكٸندٸك بەرەدٸ», - دەدٸ ەكٸمنٸڭ ورىنباسارى.
