Ulybritaniianyń Patshaiymy Elizaveta II Ulttyq densaýlyq saqtaý qyzmeti úshin 32 mln fýnt sterling jinaǵan Ekinshi dúniejúzilik soǵystyń ardager Tom Mýrdy rytsarlyqqa kóterdi, dep habarlaidy "Ult aqparat" koroldik otbasynyń saityna silteme jasap.
«Búgin ser kapitan Tom Mýrdyń qarajat jinaý boiynsha jetistigi rytsarlyq ataqpen atalyp ótti», - delingen resmi habarlamada.
Rytsarlyqqa kóterý Vindzor qamalynda boldy. Onda Tom Mýrdyń búkil otbasy músheleri shaqyryldy.
100 jasyna bir ai burynǵy sáýir aiynyń basynda Tom Mýr Tom’s 100th Birthday Walk For The NHS qaiyrymdylyq aktsiiasyn bastaǵan edi. Ardager koronavirýspen kúreste Ulybritaniianyń ulttyq densaýlyq saqtaý qyzmetine qarajat jinaý úshin úidiń baǵyn 100 ret ainalyp shyǵýǵa ýáde bergen. Aktsiia halyq pen tanymal adamdardyń qoldaýyna ie boldy. Osylaisha azamattar 32 mln fýnt sterging (41 mln dollar) jinap berdi.
Tom Mýr 1920 jyly Ulybritaniianyń Ýest-Iorkshir graftyǵynda dúniege kelgen. Úndistan men Birmada áskeri qyzmetin ótegen. 1945 jyly aǵylshyn-úndi jáne japon áskeri arasyndaǵy Ramri aralyndaǵy soǵysqa qatysqan. Eline oralǵannan keiin tank mektebinde nusqaýshy bolyp eńbek etken.
