ۇلىبريتانييانىڭ پاتشايىمى ەليزاۆەتا II ۇلتتىق دەنساۋلىق ساقتاۋ قىزمەتٸ ٷشٸن 32 ملن فۋنت ستەرلينگ جيناعان ەكٸنشٸ دٷنيەجٷزٸلٸك سوعىستىڭ ارداگەر توم مۋردى رىتسارلىققا كٶتەردٸ, دەپ حابارلايدى "ۇلت اقپارات" كورولدٸك وتباسىنىڭ سايتىنا سٸلتەمە جاساپ.
«بٷگٸن سەر كاپيتان توم مۋردىڭ قاراجات جيناۋ بويىنشا جەتٸستٸگٸ رىتسارلىق اتاقپەن اتالىپ ٶتتٸ», - دەلٸنگەن رەسمي حابارلامادا.
رىتسارلىققا كٶتەرۋ ۆيندزور قامالىندا بولدى. وندا توم مۋردىڭ بٷكٸل وتباسى مٷشەلەرٸ شاقىرىلدى.
100 جاسىنا بٸر اي بۇرىنعى سەۋٸر ايىنىڭ باسىندا توم مۋر Tom’s 100th Birthday Walk For The NHS قايىرىمدىلىق اكتسيياسىن باستاعان ەدٸ. ارداگەر كوروناۆيرۋسپەن كٷرەستە ۇلىبريتانييانىڭ ۇلتتىق دەنساۋلىق ساقتاۋ قىزمەتٸنە قاراجات جيناۋ ٷشٸن ٷيدٸڭ باعىن 100 رەت اينالىپ شىعۋعا ۋەدە بەرگەن. اكتسييا حالىق پەن تانىمال ادامداردىڭ قولداۋىنا يە بولدى. وسىلايشا ازاماتتار 32 ملن فۋنت ستەرگينگ (41 ملن دوللار) جيناپ بەردٸ.
توم مۋر 1920 جىلى ۇلىبريتانييانىڭ ۋەست-يوركشير گرافتىعىندا دٷنيەگە كەلگەن. ٷندٸستان مەن بيرمادا ەسكەري قىزمەتٸن ٶتەگەن. 1945 جىلى اعىلشىن-ٷندٸ جەنە جاپون ەسكەرٸ اراسىنداعى رامري ارالىنداعى سوعىسقا قاتىسقان. ەلٸنە ورالعاننان كەيٸن تانك مەكتەبٸندە نۇسقاۋشى بولىپ ەڭبەك ەتكەن.
