Osy kúnderi Baitursynov atyndaǵy til institýtyna tarihynda aitylmaǵan syn aitylyp, aiyp taǵylyp jatyr.
Bunymyz ǵaibat aitý. Institýtta ondaǵan, ainalasynda júzdegen el patrioty, ǵalym, ata-ana, qazaq azamaty qyzmet etedi. Bəriniń derlik oiy bizdikine jaqyn. Olardy qarǵap-sileý, basqa da ǵaibat sózben balaǵattaýdyń qajeti joq. Aitylsa - naqty adamdardy ataý qajet. Biren-saran ǵalymǵa bola bildei bir institýtty nemese ǵylymdy joqqa shyǵarýdyń qajeti joq.
Sońǵy eki - qyrkúiek jəne qazan - nusqaǵa institýttyń qatysy shamaly.
Tamyz aiynan beri jumys toby jinalǵan emes. Initsiativa astanalyq tosyn topqa ótip ketti. Məsele osyda.
Ǵalymdarǵa bir ǵana ótinish aitýǵa bolady: oilaryńyzdy jasyrmai ashyq aityńyzdar degen. Qalǵany ərkimniń ary men ojdanynyń sharýasy. Bərine ýaqyt pen tarih tóreshi.
***
Ekinshi jaǵy bar məseleniń. Institýt jumysy biraz ýaqyt boiy qarjylanbaǵan. Bul ədeii tirlik pe basqa ma bilmeimin.
Ǵalymdarymyz arasynda sabaq berip nəpaqa tappaǵanda akademiianyń mańyndaǵy taldardan botqa jasaýǵa kósher edi.
Endi osy ǵalymdar eki jyl boiy til zańdaryn qaita jazyp shyǵýy kerek. Bul óte úlken eńbek, orasan jumys. Bul jumys əlipbi avtorlarynyń qolynan kelmeidi. Buny kompiýtershiler jasai almaidy. Shetelden sarapshy taba almaisyń.
Jasasa tek óz til ǵalymdarymyz jasai alady!
Al júni jyǵylǵan, rýhy synǵan, motivatsiiasy joq ǵalymdardan ne qaiyr? Əlipbi jasaý ońai, ony tilge qondyrý qiyn. Men de otyryp, kez-kelgen tildiń əlipbiin jasai alamyn. Biraq ony sol til qabyldai ma? Ol tilge sai bola ma?
***
Biliktegi aǵaiynǵa talap-ótinish:
Jaqyn arada ǵalymdardyń məselesin sheshińizdershi!
Olarmen kezdesip, bəriniń basyn qosyp, joldaryn aityp, jón surap, aldynan ótińizder.
Məsele esh bitken joq. Myna əlipbige talai ózgeris enedi. Erteń aq enedi. Əlipbi Quran emes óitkeni.
Eger erteń mazaq bolmaiyq, bar abyroidan airylmaiyq desek, ǵalymdarǵa arqa súieńizder. Ǵylymi negizge arqa súieńizder! Sonda qatelespeimiz.
Halyqqa keregin - halyqtan, ǵalymnan surańyzdar. Qazaq mazaq emes.
Aidos Sarymnyń feisbýktegi jazbasynan
