Memleket basshysy Qasym-Jomart Toqaevtyń maqalasynda el táýelsizdigindegi keleli máselelerge jan-jaqty taldaý jasalǵan. Bul týraly Parlament Senatynyń depýtaty Dinar Nóketaeva málim etti, dep habarlaidy "Ult aqparat".
«Memleket basshysy Qasym-Jomart Kemeluly Toqaevtyń «Táýelsizdik bárinen qymbat» degen maqalasy táýelsizdiktiń ǵasyrǵa sozylar 30 jyldyq tarihyn shirata bilgen tarihi mańyzy bar maqala bolyp otyr. Prezidentimiz maqalasynda qansha ǵasyrlardan beri ata-babamyz ańsap kele jatqan táýelsizdiktiń el úshin qanshalyqty mańyzdy ekenin sanamyzda jańǵyrtyp otyr. Maqalada baǵdar men beles, tanym men taǵylym, qoǵam men qundylyqtar, ulaǵat pen ustanym baǵyttaryn qamtityn el táýelsizdigindegi keleli máselelerge jan-jaqty taldaý jasalǵan. Sonymen qatar bul maqala Elbasymyz Nursultan Ábishuly Nazarbaev salǵan táýelsizdiktiń dara jolyndaǵy 30 jyldyq tarihqa kóz júgirtedi. Maqalada memleketimizdiń táýelsizdik jyldary ótken jolynyń tarihi mańyzyna súiene otyryp, bolashaqta alynar asýlarǵa da erekshe mán beredi. Qazirgi kezeńde el ishinde ultjandylyqty qalyptastyrýda kinomatografiianyń da atqarar róli óte zor ekendigin atap kórsete otyryp, bolashaqta otandyq telearnalarǵa memlekettik tapsyrystyń belgili bir bóligin mindetti túrde tarihi baǵyttaǵy filmderdi túsirýge jumsaý kerektigin atap kórsetedi», - dedi senator.
Sonymen qatar D. Nóketaeva elimizdiń tarihi oqiǵalaryn jalpy álem jurtshylyǵyna nasihattaýdyń da úlken mańyzy bar ekenin atap ótti.
«Qazaq tarihyndaǵy náýbetti jyldardyń biri bolyp sanalatyn 1921-1922 jyldardaǵy asharshylyqtyń alǵashqy kezeńine de ǵasyr tolǵanyna da toqtalyp, osy baǵytta aqtańdyqtardyń betin ashý úshin úlken is-sharalardy júzege asyrý qajettigi týyp otyrǵandyǵyn tilge tiek etedi. Sonymen qatar jańa tarihymyzdaǵy belgili oqiǵalardyń biri bolyp tabylatyn jeltoqsan dúmpýiniń de 35 jyldyq tarihyna erekshe mán berý kerektigin jáne onyń mańyzyn josparly túrde nasihattaýdy negizgi mindetterdiń biri retinde aiqyndaidy.
Qazaqstan álemde beibit túrde alǵashqy memlekettiń biri retinde iadrolyq qarýdan bas tartqan memleket ekendigi jáne Elbasynyń 1991 jyly Semei poligonyn jabýǵa bailanysty jarlyǵynyń qazirgi kezeńde álemdik deńgeide erekshe mańyzǵa ie bolǵandyǵy da atap ótilgen. Osy oqiǵany da halyq ishinde jalpy álem jurtshylyǵyna nasihattaýdyń da úlken mańyzy bar ekendigi dáiekti derektermen naqtylap kórsetilgen.
Memleket basshysy Qasym-Jomart Kemelulynyń «Halyq únine qulaq asatyn memleket» tujyrymdamasy men Ulttyq qoǵamdyq senim keńesi elimizde demokratiiany tereńdetýge baǵyttalǵan shynaiy qadamdardyń biri bolyp sanalady. Elimizdiń, halyqtyń múddesin der kezinde eskerip sheshýge degen shynaiy mehanizm osy Prezidentimiz usynyp otyrǵan ustanym ekendigin ýaqyt talaby kórsete túskendei», - dedi depýtat.
.jpeg)