Shyǵys Qazaqstan oblysynda sý deńgeii kóterilýi múmkin, - dep habarlaidy "Ult aqparat" "Qazgidromet" RMK ókilderine silteme jasap.
"Aldaǵy 18-19 naýryz aralyǵynda Shyǵys Qazaqstan oblysynyń alasa taýly aýdandarynda aýa temperatýrasynyń joǵarylaýyna jáne kútiletin jaýyn-shashyn boljamyna bailanysty jergilikti jáne baýraily aǵyn qalyptasyp, sý deńgeii kóterilýi múmkin", - delingen habarlamada.
Eske salaiyq, 12 naýryzda ShQO-nyń kei jerlerin sý basqan edi. QR IIM Tótenshe jaǵdailar komiteti ókilderiniń málimetinshe, Shyǵys Qazaqstan oblysyndaǵy qutqarýshylar táýlik boiy jumys istep jatyr.
"Qazirgi ýaqytta 15 myń tekshe metr sý tartyldy. Órt sóndirýshiler men qutqarýshylar jumys istep jatyr. Olar sýdy motopomp pen inertti materialdarmen tartyp jatyr. (...) 112 nómirine áli de qońyraýlar kelip jatyr. Sońǵy 24 saǵatta shamamen 3 000 qońyraý kelip tústi. Árbir qońyraý boiynsha jedel shtab ókilderi ainalysyp jatyr", - dep habarlady vedomstvo ókilderi.
