Shyǵys Qazaqstan oblysynyń Sholpan aýylynda 12 oqýshy A gepatiti, iaǵni sary aýrýǵa shaldyqqan. Týra osyndai dert Qaraǵandy qalasyndaǵy mektepterdiń birinde úsh oqýshydan da anyqtalyp otyr, dep habarlaidy KTK arnasy.
Osyǵan bailanysty Qaraǵandydaǵy №58 orta mektebi búgin bir kúnge jumysyn toqtatty. Óitkeni quzyrly organdardyń mindettemesi boiynsha munda dezinfektsiialaý jumystary júrgizilýde. Mektep basshylyǵynyń aitýynsha, atalǵan aýrý toqsanaralyq demalystan kelgen 7-shi synyp oqýshysynan anyqtalypty. Az ýaqyttan soń sol synyptaǵy taǵy bir oqýshy aýyrsa, birer kún buryn 8-shi synyp oqýshysy ózin jaisyz sezingen. Qazir úsheýi sary aýrý diagnozymen aýrýhanada jatyr. Tutynýshylar quqyǵyn qorǵaý basqarmasy oqý ornynda juqpaly aýrýdyń taraýyna jol bergen mektep basshylyǵy jaýapqa tartylady dep otyr.
Gúljan Baiqutanova, Qaraǵandy oblystyq qoǵamdyq densaýlyqty qorǵaý departamenti basshysynyń orynbasary:
- Aýrý bala anyqtalǵan synyptaǵy oqýshylardyń basqa kabinetterde júrip-turýlaryna shekteý qoiý kerek edi. Birden meditsinalyq baqylaýǵa alynýy tiis bolǵan. Biraq bulai jasalmaǵan. Sondyqtan mektepke aiyppul salynýy múmkin. Endi bul synyp oqýshylaryna egý jumystaryn júrgizemiz.
