شىعىس قازاقستان وبلىسىنىڭ شولپان اۋىلىندا 12 وقۋشى ا گەپاتيتٸ, ياعني سارى اۋرۋعا شالدىققان. تۋرا وسىنداي دەرت قاراعاندى قالاسىنداعى مەكتەپتەردٸڭ بٸرٸندە ٷش وقۋشىدان دا انىقتالىپ وتىر, دەپ حابارلايدى كتك ارناسى.
وسىعان بايلانىستى قاراعاندىداعى №58 ورتا مەكتەبٸ بٷگٸن بٸر كٷنگە جۇمىسىن توقتاتتى. ٶيتكەنٸ قۇزىرلى ورگانداردىڭ مٸندەتتەمەسٸ بويىنشا مۇندا دەزينفەكتسييالاۋ جۇمىستارى جٷرگٸزٸلۋدە. مەكتەپ باسشىلىعىنىڭ ايتۋىنشا, اتالعان اۋرۋ توقسانارالىق دەمالىستان كەلگەن 7-شٸ سىنىپ وقۋشىسىنان انىقتالىپتى. از ۋاقىتتان سوڭ سول سىنىپتاعى تاعى بٸر وقۋشى اۋىرسا, بٸرەر كٷن بۇرىن 8-شٸ سىنىپ وقۋشىسى ٶزٸن جايسىز سەزٸنگەن. قازٸر ٷشەۋٸ سارى اۋرۋ دياگنوزىمەن اۋرۋحانادا جاتىر. تۇتىنۋشىلار قۇقىعىن قورعاۋ باسقارماسى وقۋ ورنىندا جۇقپالى اۋرۋدىڭ تاراۋىنا جول بەرگەن مەكتەپ باسشىلىعى جاۋاپقا تارتىلادى دەپ وتىر.
گٷلجان بايقۇتانوۆا, قاراعاندى وبلىستىق قوعامدىق دەنساۋلىقتى قورعاۋ دەپارتامەنتٸ باسشىسىنىڭ ورىنباسارى:
- اۋرۋ بالا انىقتالعان سىنىپتاعى وقۋشىلاردىڭ باسقا كابينەتتەردە جٷرٸپ-تۇرۋلارىنا شەكتەۋ قويۋ كەرەك ەدٸ. بٸردەن مەديتسينالىق باقىلاۋعا الىنۋى تيٸس بولعان. بٸراق بۇلاي جاسالماعان. سوندىقتان مەكتەپكە ايىپپۇل سالىنۋى مٷمكٸن. ەندٸ بۇل سىنىپ وقۋشىلارىنا ەگۋ جۇمىستارىن جٷرگٸزەمٸز.
