Birqatar politsiia qyzmetkerleri sybailas jemqorlyq quqyq buzýshylyqtaryn jasaǵany úshin kúdiktelýde. Bul týraly "Ult aqparat" Sybailas jemqorlyq agenttiginiń baspasóz qyzmetine silteme jasap habarlaidy.
Aǵymdaǵy jyldyń 8 qazanynda Sybailas jemqorlyqqa qarsy qyzmet Almaty oblysynyń Politsiia departamentiniń Qaýipsizdik qyzmeti basqarmasymen (QQB) birlesip birqatar politsiia qyzmetkerleriniń, sonyń ishinde basshylyq quramnyń sybailas jemqorlyq quqyq buzýshylyqtar jasaý faktilerin anyqtady.
«Politsiia maiory, Almaty oblysynyń PD Eńbekshiqazaq aýdanynyń politsiia basqarmasy bastyǵynyń mindetin atqarýshyǵa, aǵa leitenant, Almaty qalasynyń PD Túrksib aýdandyq politsiia basqarmasynyń ýchaskelik inspektoryna qatysty azamatty aldaý jáne senimin teris paidalaný arqyly kúdiktiniń isin neǵurlym jeńil sanatqa qaita saralaý jeleýimen 1 250 000 teńge somasyndaǵy qarajatyn iemdengeni úshin Almaty qalasynda sotqa deiingi tergeý bastaldy», - delingen habarlamada.
PB bastyǵynyń mindetin atqarýshy ustalyp, Almaty qalasynyń PD-niń ýaqytsha tergeý izoliatoryna qamaldy.
Almaty oblysynda osyǵan uqsas qylmys jasaý kúdigi boiynsha Qarasai aýdany politsiia basqarmasynyń tergeýshisi áshkerelendi.
Ol azamatty aldaý jáne senimin teris paidalaný arqyly basqa tergeýshiniń óndirisindegi qylmystyq is boiynsha bas bostandyǵyn shekteýmen bailanysty jazany qoldanbas úshin 2,5 mln teńgege jýyq qarajatty iemdengendi dep kúdiktelýde.
Atalǵan faktiler boiynsha tergeý jalǵasýda.
Kúdiktilerge qatysty túpkilikti sheshimdi olardyń kinálarynyń deńgeiin anyqtaý arqyly sot qabyldaidy.
Sondai-aq, Aqmola oblysynda Atbasar aýdandyq sotynyń úkimimen aǵa leitenat, aýdandyq politsiia bóliminiń tergeýshisi N.E.Turǵabul qylmystyq isti toqtatý úshin azamattan 150 000 teńge somasynda para alǵany úshin aiypty dep tanyldy.
«Turǵabulǵa ómir boiy memlekettik qyzmette laýazym ielený quqyǵynan jáne arnaiy sheninen aiyrýmen 4 500 000 teńge mólsherinde aiyppul tóleý jazasy taǵaiyndaldy», - deidi agenttik.
