Elimizde QR Parlamenti Májilisi men máslihattar depýtattaryna daýys berý aiaqtaldy, dep habarlaidy "Ult aqparat".
QR Ortalyq sailaý komissiiasynyń dereginshe, astana ýaqytymen saǵat 20-00-de elimizdiń 12 óńirinde, al saǵat 21-00-de 5 óńirde sailaý ýchaskeleri jabyldy. Osylaisha, kezekti sailaý naýqanyna orai ashylǵan 12 óńirdegi 8 141, 5 óńirdegi 1 853 sailaý ýchaskesi jumysyn aiaqtady.
Sonymen qatar Qazaqstannyń 53 shet memlekettegi ókildikteri janynan ashylǵan 66 sailaý ýchaskesiniń 10-ynda sailaýshylar óz daýystaryn berip boldy. Qazirgi ýaqytta ýaqyt beldeýine bailanysty qalǵan elderde daýys berý jalǵasyp jatyr. 11 qańtar kúni Nur-Sultan ýaqytymen tańǵy saǵat 07:00-de Amerika Qurama Shtattary men Kanadadaǵy Qazaqstan azamattary daýys berýdi aiaqtaityn bolady.
Aita keterligi, oblystardyń, respýblikalyq mańyzy bar qalalardyń, astananyń sailaý komissiialary usynǵan málimetterge sáikes, saǵat 20-00-degi jaǵdai boiynsha sailaý biýlletenderin tizimge engizilgen sailaýshylardyń jalpy sanynyń 63,1 paiyzy aldy.
