ەلٸمٸزدە قر پارلامەنتٸ مەجٸلٸسٸ مەن مەسليحاتتار دەپۋتاتتارىنا داۋىس بەرۋ اياقتالدى, دەپ حابارلايدى "ۇلت اقپارات".
قر ورتالىق سايلاۋ كوميسسيياسىنىڭ دەرەگٸنشە, استانا ۋاقىتىمەن ساعات 20-00-دە ەلٸمٸزدٸڭ 12 ٶڭٸرٸندە, ال ساعات 21-00-دە 5 ٶڭٸردە سايلاۋ ۋچاسكەلەرٸ جابىلدى. وسىلايشا, كەزەكتٸ سايلاۋ ناۋقانىنا وراي اشىلعان 12 ٶڭٸردەگٸ 8 141, 5 ٶڭٸردەگٸ 1 853 سايلاۋ ۋچاسكەسٸ جۇمىسىن اياقتادى.
سونىمەن قاتار قازاقستاننىڭ 53 شەت مەملەكەتتەگٸ ٶكٸلدٸكتەرٸ جانىنان اشىلعان 66 سايلاۋ ۋچاسكەسٸنٸڭ 10-ىندا سايلاۋشىلار ٶز داۋىستارىن بەرٸپ بولدى. قازٸرگٸ ۋاقىتتا ۋاقىت بەلدەۋٸنە بايلانىستى قالعان ەلدەردە داۋىس بەرۋ جالعاسىپ جاتىر. 11 قاڭتار كٷنٸ نۇر-سۇلتان ۋاقىتىمەن تاڭعى ساعات 07:00-دە امەريكا قۇراما شتاتتارى مەن كاناداداعى قازاقستان ازاماتتارى داۋىس بەرۋدٸ اياقتايتىن بولادى.
ايتا كەتەرلٸگٸ, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ سايلاۋ كوميسسييالارى ۇسىنعان مەلٸمەتتەرگە سەيكەس, ساعات 20-00-دەگٸ جاعداي بويىنشا سايلاۋ بيۋللەتەندەرٸن تٸزٸمگە ەنگٸزٸلگەن سايلاۋشىلاردىڭ جالپى سانىنىڭ 63,1 پايىزى الدى.
