QR Parlamenti Senaty tóraǵasynyń orynbasary Asqar Shákirovtiń tóraǵalyq etýimen joǵary palatada Senat janyndaǵy jergilikti ókildi organdarmen (máslihattarmen) ózara is-qimyl jónindegi keńestiń kezekti otyrysy boldy, dep habarlaidy "Ult aqparat" Senattyń baspasóz qyzmetine silteme jasap.
Sharaǵa Keńes múshelerinen basqa beinekonferentsiia bailanysy arqyly elimizdiń 17 óńiri máslihattarynyń depýtattary qatysty.
Otyrys barysynda kún tártibindegi negizgi másele – Prezident Qasym-Jomart Toqaevtyń Qazaqstan halqyna Joldaýyn iske asyrýǵa máslihattar depýtattarynyń qatysýy týraly jan-jaqty pikir almasyldy.
«Bul qujatta qazirgi zamandaǵy buryn-sońdy bolmaǵan syn-qaterler jaǵdaiynda elimizdiń tynys-tirshiligin qamtamasyz etýdiń jan-jaqty baǵdarlamasy qamtylǵan. Memleket basshysy óz Joldaýynda memlekettik basqarý júiesin jetildirý maqsatynda ózara bailanysty keshendi mindetter qoiǵan bolatyn. Jergilikti ózin-ózi basqarýdy damytý osy protsestiń mańyzdy baǵyttarynyń biri bolyp belgilendi, ol jergilikti ókildi organdardy nyǵaitýdy kózdeidi, olardyń qyzmeti halyq úshin barynsha ashyq bolýy tiis», - dedi Senat tóraǵasynyń orynbasary.
Osyǵan bailanysty óńirlerdi tiimdi damytýǵa járdemdesý Parlament joǵary palatasy qyzmetiniń mańyzdy baǵyttarynyń biri ekeni atap ótildi.
Jergilikti ókildi organdarmen ózara is-qimyl jónindegi keńes arqyly máslihattarǵa olardyń zańnamalyq ókilettikteri aiasynda jan-jaqty kómek
kórsetilip keledi.
Otyrys barysynda elimizde júzege asyp jatqan saiasi jáne ekonomikalyq reformalardyń qozǵaýshy kúshteriniń biri bolýǵa arnalǵan «Rýhani jańǵyrý» memlekettik baǵdarlamasyn ilgeriletý talqylaýdyń jeke taqyryby boldy.
«Qazaqstan máslihattary depýtattarynyń birlestigi» RQB tóraǵasy Tóleýbek Muqashevtiń pikirinshe, «bul jumysta búgingi tańdaǵy eń ózekti
tásilder – eń aldymen jastar arasynda bilimqumarlyq pen bilimpazdyqty,
toleranttylyq pen kásibi sheberlikti dáripteý basym bolýy tiis».
Otyrysqa qatysýshylar sailaýshylarmen tyǵyz ári egjei-tegjeili jumys júrgizý qajettigi týraly ortaq pikirge toqtaldy. Batys Qazaqstan oblystyq máslihatynyń hatshysy Málik Qulshar óz sózinde «máslihat depýtattary Memleket basshysynyń Joldaýyn iske asyrýdyń joldary men mán-maǵynasyn árbir qazaqstandyqqa jetkizýi tiis» dep atap ótti.
Qazirgi kezde Senattyń úilestirýshi róli jaǵdaiynda bul jumysqa elimizde 20 myńǵa jýyq múshesi bar «Qazaqstan zańgerler odaǵy» RQB aitarlyqtai kómek kórsetedi. Onyń tóraǵasy Serik Aqylbai «Qazaqstan
zańgerler odaǵy máslihattar depýtattarynyń quqyqtyq saýattylyǵyn arttyrý maqsatynda Parlament qabyldap jatqan zańdar týraly birqatar
taqyryptyq dárister daiyndap, óńirlerge jiberildi. Bul jumys jalǵasatyn bolady» dep habardar etti.
Otyrys barysynda Aqparat jáne qoǵamdyq damý ministrligindegi «Rýhani jańǵyrý» baǵdarlamasyn úilestirý departamenti, Memlekettik jergilikti basqarý institýty, sondai-aq «Máslihat jáne ákimdik-Maslihat i akimat» respýblikalyq jýrnaly Keńes quramyna ujymdyq músheler retinde qabyldandy.
Otyrys qorytyndysy boiynsha qatysýshylar qaralǵan máselelerge sáikes Keńes jumysynyń perspektivalyq josparyn ázirledi.
