Foto: ashyq derekkóz
Sońǵy eki jylda 2039 mektepte 3128 jańa pándik kabinet jabdyqtaldy. Onyń ishinde 336 kabinet – bolashaq injenerlerdiń irgetasyn qalaýǵa arnalǵan robototehnika baǵytynda iske qosylǵan. 2029 jylǵa deiin taǵy 945 osyndai kabinet ashý josparlanyp otyr, dep habarlaidy Ult.kz.
Ulttyq bilim berý derekter qorynyń (UBDQ) málimetterine súiensek, búginde elimizdiń mektepterinde 1800-ge jýyq robototehnika kabineti jumys isteidi. Onyń 858-i qalalyq mektepterde, al 942-si aýyldyq bilim oshaqtarynda ornalasqan.
Atalǵan bastamalardyń naqty nátijeleri de kórinis tabýda. Qazaqstandyq oqýshylar halyqaralyq bilim arenasynda aiqyn jetistikterge qol jetkizip keledi. Máselen, elimizdiń jas ónertapqyshtary robototehnikadan álem chempionatynda 190 eldiń ishinen úsh jyl qatarynan top jaryp, chempion atandy. Jýyrda AQSh-ta ótken dodada ulttyq qurama jańa rekord ornatyp, Qazaqstannyń tehnikalyq shyǵarmashylyq salasyndaǵy jahandyq kóshbasshylyǵyn taǵy da dáleldedi.
