QR Densaýlyq saqtaý vitse-ministri Ajar Ǵiniiat elimizdegi aýrýhanalar qai deńgeide tolyqtyrylǵanyn aitty, dep habarlaidy "Ult aqparat".
«Biylǵy 4 qarashadaǵy jaǵdai boiynsha elimizdegi aýrýhanalarda 14 903 oryn jasaqtaldy, onyń ishinde 12 767-si - infektsiialyq, 7 136-sy - karantindik. Al reanimatsiialyq oryndar sany 1245», - dedi vitse-ministr Ortalyq kommýnikatsiialar qyzmetinde.
Onyń sózine qaraǵanda, elimiz boiynsha atalǵan oryndardyń tolyqtyrý deńgeii 15 paiyzy shamasynda nemese 2944 oryn naýqastardy emdeýmen qamtylǵan. Infektsiialyq statsionarlarda tolyqtyrý deńgeii - 20 paiyz. Óńirler bólinisinde bul kórsetkish Soltústik Qazaqstan oblysynda joǵary, iaǵni tolyqtyrý deńgeii 37 paiyzdy qurady. Al Batys Qazaqstan oblysynda osy kórsetkish 30 paiyz, Nur-Sultan qalasynda da 30 paiyz shamasynda.
«Reanimatsiialyq tósekter 17 paiyzǵa (213 tósek) toltyrylǵan, SQO-da 38%, ShQO-da 29%, Nur-Sultan qalasynda 28 paiyzynda naýqastar jatyr», - dedi Ajar Ǵiniiat.
