قر دەنساۋلىق ساقتاۋ ۆيتسە-مينيسترٸ اجار عينييات ەلٸمٸزدەگٸ اۋرۋحانالار قاي دەڭگەيدە تولىقتىرىلعانىن ايتتى, دەپ حابارلايدى "ۇلت اقپارات".
«بيىلعى 4 قاراشاداعى جاعداي بويىنشا ەلٸمٸزدەگٸ اۋرۋحانالاردا 14 903 ورىن جاساقتالدى, ونىڭ ٸشٸندە 12 767-سٸ - ينفەكتسييالىق, 7 136-سى - كارانتيندٸك. ال رەانيماتسييالىق ورىندار سانى 1245», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندە.
ونىڭ سٶزٸنە قاراعاندا, ەلٸمٸز بويىنشا اتالعان ورىنداردىڭ تولىقتىرۋ دەڭگەيٸ 15 پايىزى شاماسىندا نەمەسە 2944 ورىن ناۋقاستاردى ەمدەۋمەن قامتىلعان. ينفەكتسييالىق ستاتسيونارلاردا تولىقتىرۋ دەڭگەيٸ - 20 پايىز. ٶڭٸرلەر بٶلٸنٸسٸندە بۇل كٶرسەتكٸش سولتٷستٸك قازاقستان وبلىسىندا جوعارى, ياعني تولىقتىرۋ دەڭگەيٸ 37 پايىزدى قۇرادى. ال باتىس قازاقستان وبلىسىندا وسى كٶرسەتكٸش 30 پايىز, نۇر-سۇلتان قالاسىندا دا 30 پايىز شاماسىندا.
«رەانيماتسييالىق تٶسەكتەر 17 پايىزعا (213 تٶسەك) تولتىرىلعان, سقو-دا 38%, شقو-دا 29%, نۇر-سۇلتان قالاسىندا 28 پايىزىندا ناۋقاستار جاتىر», - دەدٸ اجار عينييات.
